അബൂദബി: സഊദി അറേബ്യയിലെ ലത്തീഫ ബിൻത് അബ്ദുൽ അസീസ് അൽ സൗദ് രാജകുമാരിയുടെ നിര്യാണത്തിൽ യു.എ.ഇ നേതാക്കൾ അനുശോചനമറിയിച്ചു. ഇരു വിശുദ്ധ മസ്ജിദുകളുടെ സേവകനും സഊദി അറേബ്യൻ രാജാവുമായ സൽമാൻ ബിൻ അബ്ദുൽ അസീസ് അൽ സഊദിന് യു.എ.ഇ പ്രസിഡൻ്റ് ശൈഖ് മുഹമ്മദ് ബിൻ സായിദ് അൽ നഹ്‌യാനാണ് അനുശോചന സന്ദേശമയച്ചത്. 

യു.എ.ഇ വൈസ് പ്രസിഡൻ്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം, വൈസ് പ്രസിഡൻ്റും ഉപ പ്രധാനമന്ത്രിയും പ്രസിഡൻഷ്യൽ കോർട്ട് ചെയർമാനുമായ ശൈഖ് മൻസൂർ ബിൻ സായിദ് അൽ നഹ്‌യാൻ എന്നിവരും സഊദി രാജാവിന് സമാന സന്ദേശങ്ങൾ അയച്ചു.