സുല്‍ത്താന്‍ ബത്തേരി: അഴുക്കുചാലില്‍ കക്കൂസ് മാലിന്യം ഒഴുക്കി വിടുന്നതായി പരാതി. ബത്തേരി ചുള്ളിയോട് റോഡിലെ ഗാന്ധി ജങ്ഷനിലെ ഗുഡ്‌സ് വാഹന സ്റ്റാന്‍ഡിന്റെ സമീപത്തെ അഴുക്കുചാലിലാണ് കക്കൂസ് മാലിന്യം ഒഴുകുന്നത്.
മഴപെയ്യുമ്പോള്‍ സ്ഥിതിഗതിഗതികള്‍ കൂടുതല്‍ ഗുരുതരമാകും. മാലിന്യം അഴുക്കുചാലിനു പുറത്തേക്കൊഴുകി സ്റ്റാന്‍ഡില്‍ കെട്ടിക്കിടക്കും. കൂടാതെ റോഡിലൂടെ പരന്നൊഴുകുന്നതും യാത്രക്കാര്‍ക്കും കച്ചവടക്കാര്‍ക്കടക്കം ദുരിതമായി മാറിയിരിക്കുകയാണ്.
ടൗണിന് സമീപത്തെ താമസക്കാര്‍ മഴപെയ്യുമ്പോഴും മറ്റും കക്കൂസ് മാലിന്യം തുറന്ന് വിടുതാണ് പ്രശ്‌നങ്ങള്‍ക്ക് കാരണമെന്ന് ഡ്രൈവര്‍മാര്‍ ആരോപിക്കുന്നു. ഇതു സംബന്ധിച്ച് ബന്ധപ്പെട്ട അധികൃതരെ അറിയിച്ചെങ്കിലും യാതൊരു നടപടിയും എടുത്തില്ലെന്നും ഇവര്‍ ആരോപിച്ചു.