തളങ്കര: കെ.കെ പുറം മീറാസു റസൂല്‍ മദ്‌റസയ്ക്കു വേണ്ടി ഹാജി മുഈനുദ്ദീന്‍ അബ്ദുല്ല നിര്‍മിച്ചു നല്‍കിയ പുതിയ കെട്ടിടത്തിന്റെ ഉദ്ഘാടനം നാളെ നടക്കും.
വൈകീട്ട് നാലിന് കാസര്‍കോട് സംയുക്ത ജമാഅത്ത് ഖാസി പ്രൊഫ.ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. കെ.കെ പുറം മഹല്ല് പ്രസിഡന്റ് മൊയ്‌നുദ്ദീന്‍ ഹാജി അധ്യക്ഷനാകും.
മാലിക് ദീനാര്‍ ഖത്വീബ് അബ്ദുല്‍ മജീദ് ബാഖവി കൊടുവള്ളി മുഖ്യപ്രഭാഷണം നടത്തും. എം.എല്‍.എമാരായ എന്‍.എ നെല്ലിക്കുന്ന്, പി.ബി അബ്ദുറസാഖ് സംസാരിക്കും.
സമസ്ത പൊതുപരീക്ഷയില്‍ ദേശീയ തലത്തില്‍ മികച്ച റാങ്ക് നേടിയ വിദ്യാര്‍ഥികളെ അനുമോദിക്കും.