കാസര്‍കോട്: നബാര്‍ഡ് ആര്‍. ഐ.ഡി.എഫ് പദ്ധതി പ്രകാരം എന്‍ഡോസള്‍ഫാന്‍ സ്‌പെഷ്യല്‍ പാക്കേജില്‍ ഉള്‍പ്പെടുത്തി 44 കുടിവെള്ള പദ്ധതികള്‍ മാര്‍ച്ചിനകം പൂര്‍ത്തീകരിക്കും.
പി കരുണാകരന്‍ എം.പി യുടെ അധ്യക്ഷതയില്‍ കലക്ടറേറ്റ് മിനി കോണ്‍ഫറന്‍സ് ഹാളില്‍  ചേര്‍ന്ന  നബാര്‍ഡ് ആര്‍.ഐ. ഡി.എഫ് പ്രകാരം  എന്‍ഡോസള്‍ഫാന്‍ സ്‌പെഷ്യല്‍ പാക്കേജില്‍ ഉള്‍പ്പെടുത്തി നിര്‍മിക്കുന്ന വിവിധ പ്രവൃത്തികളുടെ അവലോകന യോഗത്തിലാണ്  തീരുമാനമായത്.
200 കോടിയുടെ 235 പദ്ധതികളാണ് എന്‍ഡോസള്‍ഫാന്‍ പാക്കേജില്‍ ജില്ലയില്‍ നടപ്പിലാക്കുന്നത്. 181 കെട്ടിട നിര്‍മാണ പ്രവൃത്തികള്‍ ഇതിനകം പൂര്‍ത്തിയായി കഴിഞ്ഞു.  മറ്റുള്ളവ ഉടന്‍ പൂര്‍ത്തീകരിക്കും. പൂര്‍ത്തീകരിച്ച കെട്ടിടം വൈദ്യുതീകരിക്കാത്ത അവസ്ഥ നിലവിലുണ്ട്. ഇവയുടെ വൈദ്യുതീകരണവും ഉടന്‍ പൂര്‍ത്തീകരിക്കും. യോഗത്തില്‍ സബ് കലക്ടര്‍ മൃണ്‍മയി ജോഷി പങ്കെടുത്തു.