എലി ശല്യംകൊണ്ട് പലപ്പോഴും ബുദ്ധിമുട്ടുന്നവരാണ് നമ്മള്‍. വീട്ടിലായാലും ഓഫിസിലായാലും കടകളിലായാലുമൊക്കെ ഇവന്‍മാരുടെ ശല്യം ചെറുതല്ല. എലികളെ തുരത്താന്‍ ഉള്ള വിദ്യകള്‍ എല്ലാം പരീക്ഷിച്ച് ഒടുവില്‍ പരാജയപ്പെട്ടവരാകും നമ്മില്‍ മിക്കവരും.എന്നാല്‍ ഈ വമ്പനെ തുരത്താന്‍ അടിപൊളി ഒരു സൂത്രമുണ്ട്. ഇനി വീടിന്റെ ഏഴയലത്തുപോലുമിവന്‍ വരില്ല.

മുളകു പൊടി

നമ്മുടെ മുളകുപൊടിയാണ് താരം. എലിയെ തുരത്താന്‍ ഇനി ഇവന്‍ മതി. കാര്യം കറികളിലാണ് നമ്മള്‍ മുളകുപൊടി ഉപയോഗിക്കുന്നതെങ്കിലും പൊതുവെ എല്ലാവര്‍ക്കും അസ്വസ്ഥതയുണ്ടാക്കുന്നതു തന്നെയാണ് മുളകുപൊടി. അതുകൊണ്ടു തന്നെ മനുഷ്യന്മാരെ പോലെ എലികള്‍ക്കും മുളകുപൊടി ഏറെ അസ്വസ്ഥതയുണ്ടാക്കും. അതിനാല്‍ എലിശല്യം ഉണ്ടാകുന്ന സ്ഥലത്ത് അല്‍പ്പം മുളകുപൊടി വിതറിയാല്‍ പിന്നെ എലികള്‍ അതിന്റെ പരിസരത്ത് പോലും വരില്ല.

വെളുത്തുള്ളി

എലികളെ തുരത്തിയോടിക്കാന്‍ പറ്റിയ മറ്റൊരു മാരുന്നാണ് വെളുത്തുള്ളി. ആരോഗ്യത്തിന് ഏറ്റവും ഗുണകരമായ വെളുത്തുള്ളി തന്നെ.  എലിയെ തുരത്താന്‍ പൊടിക്കൈയായി വെളുത്തുള്ളി ഉപയോഗിക്കാം. വെളുത്തുള്ളിയുടെ രൂക്ഷഗന്ധം എലികള്‍ക്ക് സഹിക്കാന്‍ പറ്റില്ല. എലിശല്യമുള്ള സ്ഥലങ്ങളില്‍ വെളുത്തുള്ളി ചതച്ചതോ വെളുത്തുള്ളി അല്ലിയോ വച്ചാലും എലികള്‍ ആ വഴിക്ക് പിന്നെ വരില്ല.

ഗ്രാമ്പൂ

ഗ്രാമ്പൂവും എലിയെ തുരത്താന്‍ ഉപയോഗിക്കാവുന്നതാണ്. ഒരു കനം കുറഞ്ഞ തുണിയെടുത്ത് അതില്‍ നാലോ അഞ്ചോ ഗ്രാമ്പൂ പൊതിയുക. ഇത് എലികള്‍ വരുന്നിടത്തും എലി കുഴിക്കുന്ന സ്ഥലത്തും ഇട്ടുകൊടുക്കുക. എലികള്‍ പിന്നെ ആ ഭാഗത്തേക്കു വരില്ല.

പെര്‍മിറ്റ് ഓയില്‍

സംഗതി പെര്‍മിറ്റ് ഒയിലാണ്. എലികള്‍ ഒരുപാടുള്ള സ്ഥലത്ത് പെര്‍മിറ്റ് ഒയില്‍ ഒഴിച്ചിടുകയോ പഞ്ഞിയില്‍ പെര്‍മിറ്റ് ഓയില്‍ മുക്കി വക്കുകയോ ചെയ്താലും ഇവന്‍ ഓടിഒളിക്കും. 

Rats often cause trouble in homes, offices, and shops, and many of us have tried various methods to keep them away with little success. However, there is a simple and effective trick to repel these pests for good, ensuring they don't come near your house again.