കൊണ്ടോട്ടി: 2025ലെ ഹജ്ജ് തീർഥാടനത്തിന് സംസ്ഥാന ഹജ്ജ് കമ്മിറ്റി മുഖേന ഇതുവരെയായി 16,669 അപേക്ഷകൾ ലഭിച്ചു. ഇതിൽ 3536 അപേക്ഷകൾ 65 വയസിന് മുകളിൽ പ്രായമുള്ള വിഭാഗത്തിലും 1812 അപേക്ഷകൾ ലേഡീസ് വിതൗട്ട് മെഹ്‌റം വിഭാഗത്തിലും 11,321 എണ്ണം ജനറൽ വിഭാഗത്തിലുമാണ്.

സൂക്ഷ്മപരിശോധനക്ക് ശേഷം സ്വീകാര്യയോഗ്യമായ അപേക്ഷകൾക്ക് കവർ നമ്പറുകൾ അനുവദിച്ചു തുടങ്ങി. ഇതുവരെ 14,915 പേർക്ക്‌ കവർ നമ്പറുകൾ അനുവദിച്ചിട്ടുണ്ട്. കവർ നമ്പർ മുഖ്യ അപേക്ഷകന് എസ്.എം.എസ്. ആയി ലഭിക്കുന്നതാണ്. ഹജ്ജ് കമ്മിറ്റിയുടെ വെബ്‌സൈറ്റിൽ അപേക്ഷകരുടെ യൂസർ ഐ.ഡിയും പാസ് വേർഡും ഉപയോഗിച്ച് ലോഗിൻ ചെയ്തും കവർ നമ്പർ പരിശോധിക്കാനാകും.

The state Hajj committee has received 16,669 applications for the 2025 pilgrimage, including 3,536 from seniors and 1,812 from women without a Mehram. So far, 14,915 applicants have been issued cover numbers, which can be verified via SMS or the committee's website.