ന്യൂഡല്‍ഹി: ഡല്‍ഹി പാര്‍ലമെന്റ് സ്ട്രീറ്റ് പള്ളി ഇമാം മൗലാനാ മുഹിബുല്ല നദ്വിയെ രാംപൂരില്‍ സ്ഥാനാര്‍ഥിയായി ഇന്‍ഡ്യാ മുന്നണിയിലെ സമാജ് വാദി പാര്‍ട്ടി പ്രഖ്യാപിച്ചു. പാര്‍ട്ടി അധ്യക്ഷന്‍ അഖിലേഷ് യാദവാണ് പ്രഖ്യാപനം നടത്തിയത്. എസ്.പിയുടെ ശക്തികേന്ദ്രമാണ് രാംപൂര്‍.

2019ലെ ലോക്‌സഭാ തെരഞ്ഞെടുപ്പില്‍ അസം ഖാന്‍ രാംപൂരില്‍ നിന്ന് വിജയിച്ചെങ്കിലും പിന്നീട് നിയമസഭാ തെരഞ്ഞെടുപ്പില്‍ വിജയിച്ചതിന് ശേഷം ലോക്‌സഭാ അംഗത്വം രാജിവച്ചു. ഇതിന് ശേഷം നടന്ന ഉപതെരഞ്ഞെടുപ്പില്‍ ബി.ജെ.പിയുടെ ഘനശ്യാം ലോധി ഇവിടെ നിന്ന് വിജയിച്ചിരുന്നു.