ഗ്ലോബൽ ചേമഞ്ചേരി കെഎംസിസി സെൻട്രൽ കമ്മിറ്റിയിലേക്ക് കൺവീനറായി തെരെഞ്ഞെടുക്കപ്പെട്ട ഒമാൻ ചാപ്റ്റർ പ്രസിഡന്റ് റസാഖ്‌ മുഖച്ചേരിക്ക് സ്വീകരണവും മെമ്പേഴ്സ് മീറ്റും സംഘടിപ്പിച്ചു. അൽ ഖുവൈർ ഹോട്ടലിൽ വെച്ച് അലി എൻ പി യുടെ അധ്യക്ഷതയിൽ തുടങ്ങിയ സംഗമം അൽ ഖുവൈർ കെഎംസിസി പ്രസിഡന്റ് ഷാഫി കോട്ടക്കൽ ഉദ്ഘാടനം നടത്തി. റസാഖ്‌ സാഹിബിനുള്ള ഉപഹാര സമർപ്പണം അൽ ഖുവൈർ കെഎംസിസി ജനറൽ സെക്രട്ടറി വാഹിദ് മാള നിർവഹിച്ചു. മസ്കറ്റ് കെഎംസിസി കൊയിലാണ്ടി മണ്ഡലം സെക്രട്ടറി ഉബൈദ് നന്തി,കെഎംസിസി കോഴിക്കോട് ജില്ലാ പ്രവർത്തക സമിതി അംഗം ഷാജഹാൻ നന്തി, സയ്യിദ് അമീൻ തങ്ങൾ, മുജീബ് ബിഎൻ തുടങ്ങിയവർ സംസാരിച്ചു. ഒഴിവ് വന്ന പ്രസിഡന്റ് സ്ഥാനത്തേക്ക് നവാസ് മുഖച്ചേരിയെ തെരെഞ്ഞെടുത്തു. മറ്റു സഹഭാരവാഹികളായി ശംസുദ്ധീൻ എൻ.കെ, ഫൈസൽ കെ എച്, മൻസൂർ കെ എച് എന്നിവരെ തിരഞ്ഞെടുത്തു. ജനറൽ സെക്രട്ടറി ജമാൽ ഹമദാനി സ്വാഗതവും സെക്രട്ടറി മിസ്ബാഹ് കാട്ടിലപീടിക നന്ദിയും പറഞ്ഞു.

🪀 കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക