കയ്പമംഗലം: സെപ്തംബര്‍ 26 മുതല്‍ ആന്ദ്രാപ്രദേശിലെ കര്‍ണ്ണോളില്‍ നടക്കുന്ന 27 ാമത് ദേശീയ ഫെഡറേഷന്‍ കപ്പ് ത്രോബോള്‍ ചാംപ്യന്‍ഷിപ്പിനുള്ള വനിതാ ടീമിനെ പ്രഖ്യാപിച്ചു.
പതിനഞ്ച് ദിവസമായി ഫോര്‍ട്ടുകൊച്ചി പരേഡ് ഗ്രൗണ്ടില്‍ നടന്നുവന്ന പരിശീലന ക്യാംപില്‍ നിന്നാണ് ടീമിനെ തെരഞ്ഞെടുത്തത്.
ജില്ലയില്‍ നിന്ന് ഇരിങ്ങാലക്കുട സെന്റ് ജോസഫ് വിദ്യാര്‍ഥിനി ലക്ഷ്മി വിനയന്‍, നാട്ടിക ലെമര്‍ പബ്ലിക് സ്‌കൂള്‍ വിദ്യാര്‍ഥിനി ലക്ഷ്മിശ്രീ അനില്‍കുമാര്‍, ചെന്ത്രാപ്പിന്നി എസ്.എന്‍ വിദ്യാഭവന്‍ വിദ്യാര്‍ഥിനികളായ എ.യു ഉണ്ണിമായ, പി.വി വിബിത എന്നിവരാണ് ദേശീയ ഫെഡറേഷന്‍ കപ്പ് ത്രോബോള്‍ ചാംപ്യന്‍ഷിപ്പിലേക്ക് തെരഞ്ഞെടുക്കപ്പെട്ടത്. മലപ്പുറത്ത് നടന്ന സംസ്ഥാന ചാംപ്യന്‍ഷിപ്പിലെ മികച്ച പ്രകടനമാണ് നാലുപേര്‍ക്കും സംസ്ഥാന ടീമിലേക്കുള്ള വഴിയൊരുക്കിയത്.