വാടാനപ്പള്ളി: തളിക്കുളം സ്‌നേഹതീരത്ത് ഡെസ്റ്റിനേഷന്‍ മാനേജ്‌മെന്റ് കമ്മിറ്റിയുടെ ഓണം-ബക്രീദ് ആഘോഷം സെപ്റ്റംബര്‍ 13, 14, 15 തിയതികളില്‍ നടക്കും. സെപ്റ്റംബര്‍ 13ന് വൈകീട്ട് നാലിന് നടക്കുന്ന ജില്ലാതല പൂക്കളമത്സരം മന്ത്രി എ.സി മൊയ്തീന്‍ ഉദ്ഘാടനം ചെയ്യും. തുടര്‍ന്ന് സംഗീത പരിപാടി അരങ്ങേറും. തിരുവോണ ദിവസമായ സെപ്റ്റംബര്‍ 14ന് നടക്കുന്ന പരിപാടികളുടെ ഉദ്ഘാടനം കേരള സംഗീത നാടക അക്കാദമി ചെയര്‍പേഴ്‌സണ്‍ കെ.പി.എ.സി ലളിത നിര്‍വഹിക്കും. തുടര്‍ന്ന് സംസ്ഥാന, ജില്ലാ കലോത്സവങ്ങളില്‍ വിജയിച്ചവര്‍ അവതരിപ്പിക്കുന്ന കലാപരിപാടികള്‍, മുരളി നാരായണന്റെ പുല്ലാങ്കുഴല്‍ കച്ചേരി, കലാഭവന്‍ മണി അനുസ്മരണം, നാടന്‍ പാട്ടുകള്‍ എന്നിവ നടക്കും.