ടിവി കാണുമ്പോഴും ഓഫിസിലിരിക്കുമ്പോഴും വെറുതെ വീട്ടിലിരിക്കുമ്പോഴുമൊക്കെ പ്രത്യേകിച്ച് സിനിമാ കാണുമ്പോള്‍ ഇടയ്ക്കിടെ കൊറിക്കാന്‍ നമ്മള്‍ എന്തെങ്കിലും സ്‌നാക്‌സ് കരുതിവയ്ക്കും. ഇതു കഴിക്കുന്നത് എല്ലാവരുടേയും ശീലമായി മാറിയിരിക്കുകയാണ്. പ്രത്യേകിച്ചു കുട്ടികളുടെ കൈയിലൊക്കെ എപ്പോഴും ഒരു പാക്കറ്റുണ്ടാവും. എന്നാല്‍ ഇതില്‍ പതിയിരിക്കുന്ന അപകടം വലുതാണ്.

അള്‍ട്രാ പ്രൊസസ്ഡ് ഭക്ഷണ സാധനങ്ങളും ജങ്ക് ഫുഡും വന്‍ വിന വരുത്തിവയ്ക്കുമെന്നാണ് ഗവേഷകര്‍ പറയുന്നത്. ഇങ്ങനെ കഴിക്കുമ്പോള്‍ എത്രത്തോളം നമ്മള്‍ കഴിച്ചു എന്ന കാര്യം പോലും നമുക്കറിയില്ല. ഇങ്ങനെയുള്ളവരെ കാത്തിരിക്കുന്നത് മാരകരോഗങ്ങളാണെന്നാണ് പുതിയ പഠനം സൂചിപ്പിക്കുന്നത്. ഇത്തരത്തിലുള്ള ശീലങ്ങള്‍ നിങ്ങളുടെ ഓര്‍മശക്തിയെ ബാധിക്കുകയും ചെയ്യും. എന്തെങ്കിലും കാര്യം പറഞ്ഞാല്‍ അതോര്‍ത്തെടുക്കാന്‍   പലപ്പോഴും ബുദ്ധിമുട്ടനുഭവപ്പെടുകയും ചെയ്യും. 

അതായത് പരസ്പര ബന്ധമില്ലാതെ എന്തൊക്കെയോ പറയുന്ന ഒരു രീതിയിലേക്ക് ഇതു മാറും എന്നു സാരം. മാത്രമല്ല, മാരകമായ മറ്റൊന്നും കാത്തിരിപ്പുണ്ട് - സ്‌ട്രോക്ക്. തലച്ചോറിലേക്കുള്ള രക്തയോട്ടം പൂര്‍ണമായോ ഭാഗികമായോ ഇതുമൂലം തടസ്സപ്പെടാം. ഇതുമൂലം മരണം സംഭവിക്കാനും കോമയിലാകാനുമൊക്കെ സാധ്യത വളരെ കൂടുതലാണ്്.

 മാത്രമല്ല ഇത്തരം ഭക്ഷണ സാധനങ്ങള്‍ വരുത്തിവയ്ക്കുന്നത് പൊണ്ണത്തടി മുതല്‍ ഹൃദ്രോഗം വരെയാണ്. ഇനി എന്തുകൊണ്ടാണ് ഇത്തരം ഭക്ഷണ സാധനങ്ങള്‍ ദോഷം ചെയ്യുന്നത്? അറിയാമോ, കാരണം ഇവയില്‍ വളരെ കുറച്ച് നാരുകള്‍ മാത്രമേ ഉള്ളൂ. ഒപ്പം വിറ്റാമിനുകളും പ്രൊട്ടീനും ഇവയില്‍ വളരെ കുറവുമാണ്. ആകെയുള്ളത് സാച്ചുറേറ്റഡ് ഫാറ്റും പഞ്ചസാരയുമാണ്. ഇയാണെങ്കില്‍ ആരോഗ്യത്തിനു വലിയ പ്രശ്‌നങ്ങളും സൃഷ്ടിക്കും. അതുകൊണ്ട് പാക്കറ്റില്‍ വരുന്നതും അല്ലാത്തതുമായ ഇത്തരം സാധനങ്ങള്‍ വെറുതെ കൊറിച്ചിരിക്കുമ്പോള്‍ ശ്രദ്ധിക്കുക. 

While watching TV, working in the office, or just relaxing at home, many of us have developed a habit of snacking, especially during movies. This has become a common practice, particularly among children, who often have a packet of snacks on hand. However, there are significant dangers associated with this habit.