അലനല്ലൂര്‍: സുസ്ഥിര മികവിന്റെ നാലു പതിറ്റാണ്ട് പിന്നിടുന്ന കോട്ടോപ്പാടം കല്ലടി അബ്ദു ഹാജി ഹയര്‍ സെക്കന്‍ഡറി സ്‌കൂളിന്റെ നേതൃത്വത്തില്‍ പൂര്‍വ്വ വിദ്യാര്‍ഥികള്‍ക്കും തൊഴില്‍ രഹിതര്‍ക്കുമായി പി.എസ്.സി പരീക്ഷാ പരിശീലനം തുടങ്ങി. പരിശീലനവും കരിയര്‍ സെമിനാറും പഞ്ചായത്ത് പ്രസിഡന്റ് ടി. മുഹമ്മദ് ഇല്യാസ് ഉദ്ഘാടനം ചെയ്തു. എ. അബൂബക്കര്‍ അധ്യക്ഷനായി. പി. ജയശ്രീ, പി. മുഹമ്മദലി, റഷീദ് കല്ലടി, വി.വി.യൂനുസ്, സി.പി. വിജയന്‍, എം.പി.സാദിഖ് പ്രസംഗിച്ചു.
നാല്‍പതാം വാര്‍ഷികത്തോടനുബന്ധിച്ച് സ്‌കൂള്‍ സപ്പോര്‍ട്ടിങ് ഗ്രൂപ്പും കോട്ടോപ്പാടം ഫിയറന്റിന ക്ലബ്ബും ചേര്‍ന്ന് നടപ്പാക്കുന്ന 'യുവശക്തി വിദ്യാഭ്യാസ മുന്നേറ്റത്തിന് ' പദ്ധതിയുടെ ഭാഗമായാണ് മത്സര പരീക്ഷകള്‍ക്കും തുല്യതാ കോഴ്‌സുകള്‍ക്കുമുള്ള പരിശീലനം നല്‍കുന്നത്.