പൂക്കോട്ടൂര്‍:  വ്യത്യസ്തയിനം തൈകള്‍ കുറഞ്ഞ ചെലവില്‍ കുട്ടികളുടെ  വീടുകളിലെത്തിക്കുക എന്ന ലക്ഷ്യത്തോടെ ജി.യു.പി.എസ് മുതിരിപ്പറമ്പ്  സ്‌കൂളിലെ സോഷ്യല്‍ ഫോറസ്ട്രി ക്ലബ്, സയന്‍സ് ക്ലബ് തുടങ്ങിയവയുടെ  നേതൃത്വത്തില്‍ തൈ വിതരണ കേന്ദ്രം തുടങ്ങി. 'നാട്ടുപച്ച' വിദ്യാലയ തൈവിതരണ  കേന്ദ്രത്തിന്റെ ഉദ്ഘാടനം പൂക്കോട്ടൂര്‍ പഞ്ചായത്ത് വൈസ് പ്രസിഡന്റ് മന്‍സൂര്‍  നിര്‍വഹിച്ചു. വിഷരഹിത കറിവേപ്പ് പദ്ധതിയുടെ ഉദ്ഘാടനം കൃഷി ഓഫിസര്‍  അരുണ്‍കുമാര്‍ നിര്‍വഹിച്ചു. തുടര്‍ന്ന് റംബൂട്ടാന്‍, കറിവേപ്പ്,  ആര്യവേപ്പ്, തേക്ക്, പേര തുടങ്ങി 250 ഓളം വൃക്ഷത്തൈകളുടെ വിതരണവും  നടന്നു. പ്രഥമാധ്യാപകന്‍ പി.കെ ഹംസ അധ്യക്ഷനായി. പി.ടി.എ പ്രസിഡന്റ് , പി.സി  നാസര്‍, സയന്‍സ് ക്ലബ്ബ് കണ്‍വീനര്‍ വി.കെ മിനി, സി.രാജേഷ്, സി.രതീഷ്,  വി.വിജയന്‍ സംസാരിച്ചു.