പെരിന്തല്‍മണ്ണ: നഗരസഭയുടെ വിജയപഥം പദ്ധതിയുടെ ഉദ്ഘാടനവും ആധുനിക ക്ലാസ് റൂം സമുച്ചയ ശിലാസ്ഥാപനവും മൂന്നിന് പെരിന്തല്‍മണ്ണ ഗവ. ഹയര്‍സെക്കന്‍ഡറി സ്‌കൂളില്‍ നടക്കും. വിദ്യാഭ്യാസമന്ത്രി പ്രൊഫ. സി രവീന്ദ്രനാഥ് ഉദ്ഘാടനം ചെയ്യും. നഗരസഭാ ചെയര്‍മാന്‍ എം മുഹമ്മദ് സലീം അധ്യക്ഷനാകും. മഞ്ഞളാംകുഴി അലി എം.എല്‍.എ ലോഗോ പ്രകാശനം നിര്‍വഹിക്കും. പി മനോജ്കുമാര്‍ പദ്ധതി അവതരിപ്പിക്കും. രാഷ്ട്രീയ സാമൂഹ്യ മേഖലയിലെ പ്രമുഖര്‍ പരിപാടിയില്‍ പങ്കെടുക്കുമെന്ന് നഗരസഭാ ചെയര്‍മാന്‍ എം മുഹമ്മദ് സലീം, വൈസ് ചെയര്‍പേഴ്‌സണ്‍ നിശി അനില്‍രാജ്, കിഴിശ്ശേരി മുസ്തഫ, സജിത്ത് പെരിന്തല്‍മണ്ണ, ശശിമാസ്റ്റര്‍, എ.ഇ.ഒ അജിത്ത്,ഡയറ്റ് ഫാക്കല്‍റ്റി മുഹമ്മദ് ബഷീര്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.