കുവൈത്തിലെ എഞ്ചിനീയറിംഗ് അലുംനി അസോസിയേഷനുകളുടെ കൂട്ടായ്മ ആയ കുവൈറ്റ് എഞ്ചിനീയര്‍സ് ഫോറം (കെ.ഇ.എഫ്.) സെപ്റ്റംബര്‍ 27 വെള്ളിയാഴ്ച ഹവല്ലി അമേരിക്കന്‍ ഇന്റര്‍നാഷണല്‍ സ്‌കൂളില്‍ വെച്ച് അസോസിയേഷന്‍ അംഗങ്ങള്‍ അവതരിപ്പിച്ച വിവിധ കലാപരിപാടികളോടും വിഭവ സമൃദ്ധമായ സദ്യയോടും കൂടെ  ആഘോഷിച്ചു. 

'ആര്‍പ്പോണം24' എന്നുപേരിട്ട പ്രോഗ്രാം കെ.ഇ.എഫ് ന്റെ എട്ടു അലുംനി അസോസിയേഷനുകളുടെ പ്രസിഡന്റ്മാര്‍ തിരി കൊളുത്തി ആരംഭിച്ചു. 

900 പേരോളം പങ്കെടുത്ത പരിപാടി അസോസിയേഷന്‍ എക്‌സ് ഓഫീഷ്യോ ശ്രീ. സന്തോഷ് ഏബ്രഹാം സ്വാഗതം ചെയുകയും,  ജനറല്‍ കണ്‍വീനര്‍ ശ്രീമതി ഹനാന്‍ ഷാന്‍ മുഖ്യപ്രഭാഷണവും നടത്തി തുടര്ന്ന് നിയുക്ത ജനറല്‍ കണ്‍വീനര്‍ ശ്രീ. ഗംഗ പ്രസാദ് ഓണ സന്ദേശം നല്‍കുകയും ചെയ്തു.  ചടങ്ങില്‍ വെച്ച് കെ ഇ എഫ് ന്യൂസ് ലെറ്റരായ 'അസ്പിറേഷന്‍സ്' ഡാറ്റാ മാനേജ്‌മെന്റ് കണ്‍വീനര്‍ ശ്രീ. പ്രശാന്ത് വാര്യര്‍ ജനറല്‍ കണ്‍വീനര്‍ ശ്രീമതി. ഹനാന്‍ ഷാനിന് ആദ്യ പ്രതി നല്‍കി പ്രകാശനം ചെയ്തു. കെ.ഇ.എഫ്. 2425 എക്‌സിക്യൂട്ടീവ്  കമ്മറ്റിയുടെ മേല്‍നോട്ടത്തില്‍. ശ്രീ. ജേക്കബ് പാരേറ്റിന്റെ നേതൃത്വത്തില്‍ രൂപംകൊണ്ട  കിട്ടികള്‍ക്കായുള്ള ക്ലബായ കെ.ഇ.എഫ്  ചില്‍ഡ്രന്‍സ് ക്ലബിന്റെ ഉദ്ഘാടനവും ലോഗോ പ്രകാശനവും തദവസരത്തില്‍  വേദിയില്‍ വെച്ച് നടന്നു..

തുടര്ന്ന് അസോസിയേഷന്‍ അംഗങ്ങള്‍ അവതരിപ്പിച്ച കൈകൊട്ടി കളി,  ഓണസദ്യയുടെ പ്രാധാന്യത്തെ വിളിചോദിക്കൊണ്ട് കുട്ടികള്‍  അവതരിപ്പിച്ച ഉണ്ടോണം, കൂടാതെ സഞ്ജയ് ബബോയി ചെറിയാന്‍ സംവിധാനം ചെയ്ത നാടകം 'മാര്‍ത്താണ്ഡവര്‍മയും', ഹരി ഇന്ദ്രന്‍ സംവിധാനം ചെയ്ത സിനിമാറ്റിക് ഡ്രാമ 'ഭ്രമലുവും' കാണികളുടെ പ്രശംസ പിടിച്ചടക്കി ..മാവേലി എഴുന്നള്ളത്തും കൊട്ടിക്കലാശത്തോടും കൂടി സമാപിച്ച ആര്‍പ്പോണത്തിന്  ആര്‍ട്‌സ് കണ്‍വീനര്‍ ശ്രീ. സനീജ് എബി തോമസ് നന്ദിയും അറിയിച്ചു. 31 വിഭവങ്ങളാല്‍ സമ്രുദ്ധമായ  ഓണസദ്യ ആഘോഷത്തിന്റെ മാറ്റ് കൂട്ടി.