മരട്: നഗരസഭയുടെ ഓണാഘോഷ പരിപാടിയായ 'ഓണക്കാഴ്ച  2016' സെപ്റ്റംബര്‍ ഒമ്പത് മുതല്‍ പതിമൂന്ന് വരെ മരട് മാങ്കായില്‍ ഹൈസ്‌കൂള്‍ ഗ്രൗണ്ടില്‍  നടത്തും. ജലോല്‍സവം ഉള്‍പ്പെടെ അഞ്ചു ദിവസത്തെ പരിപാടികള്‍ക്ക് കഴിഞ്ഞ ദിവസം ചേര്‍ന്ന ആലോചനാ യോഗം രൂപം നല്‍കി. നഗരസഭ അധ്യക്ഷ ദിവ്യ അനില്‍കുമാര്‍ അധ്യക്ഷയായും കൗണ്‍സിലര്‍ ജിന്‍സണ്‍ പീറ്റര്‍ ജനറല്‍ കണ്‍വീനറുമായി വിവിധ സബ് കമ്മിറ്റികള്‍ക്കും നൂറ്റൊന്ന് അംഗ സംഘാടക സമിതിക്കും രൂപം നല്‍കിയിട്ടുണ്ട്.
ഒന്‍പതിന് നെട്ടൂര്‍ നോര്‍ത്തില്‍ നിന്നു തുടങ്ങുന്ന വിളംബര ഘോഷയാത്രയോടെയാണ് ഓണാഘോഷ പരിപാടികള്‍ ആരംഭിക്കന്നത്. മരട് മാങ്കായില്‍ ഹൈസ്‌കൂള്‍ മൈതാനിയില്‍ പതാക ഉയര്‍ത്തും. ഉദ്ഘാടന സമ്മേളനം നഗരസഭ ചെയര്‍പേഴ്‌സണ്‍ ദിവ്യ അനില്‍കുമാര്‍ ഉദ്ഘാടനം ചെയ്യും. വൈസ് ചെയര്‍മാന്‍ ആന്റണി ആശാം പറമ്പില്‍ അധ്യക്ഷനാകും.
പത്തിന് ഉച്ചയ്ക്ക് 1.30ന് മരട് വളന്തകാട് കായലില്‍ ജലോത്സവം അഡ്വ. എം.സ്വരാജ് എം.എല്‍.എ ഉദ്ഘാടനം ചെയ്യും. ഹൈബി ഈഡന്‍ എം.എല്‍.എ മുഖ്യ പ്രഭാഷണം നടത്തും.
പതിമൂന്നിന് രാവിലെ 9.30ന് പൂക്കള മത്സരം. വൈകിട്ട് ആറിന് സമാപന സമ്മേളനം കെ.വി .തോമസ് എം.പി ഉദ്ഘാടനം ചെയ്യും.രാത്രി 8 ന് കെ.എസ്. പ്രസാദ് കൊനയിക്കുന്ന കൊച്ചിന്‍ ഗിന്നസിന്റെ മെഗാഷോ.