വളാഞ്ചേരി: കോഡിനേഷന്‍ ഓഫ് ഇസ്‌ലാമിക് കോളജസ് സംഘടിപ്പിച്ച വാഫി അധ്യാപക ശില്‍പശാല ഗ്രന്ഥകാരനും കര്‍മശാസ്ത്ര പണ്ഡിതനുമായ പ്രൊഫ. എം.കെ കൊടശ്ശേരി ഫൈസി ഉദ്ഘാടനം ചെയ്തു. മെന്ററിങ് സെഷനില്‍ കൗമാര മനഃശാസ്ത്രത്തെക്കുറിച്ച് കൗണ്‍സിലറും ട്രെയിനറുമായ അഹ്മദ് ഫൈസി ക്ലാസെടുത്തു.
അക്കാദമിക് സെഷനു സി.ഐ.സി അസിസ്റ്റന്റ് കോഡിനേറ്റര്‍മാരായ ഹബീബുള്ള ഫൈസി പള്ളിപ്പുറം, ഡോ. താജുദ്ദീന്‍ വാഫി അല്‍ അസ്ഹരി എന്നിവര്‍ നേതൃത്വം നല്‍കി. കോഡിനേറ്റര്‍ പ്രൊഫ. അബ്ദുല്‍ ഹകീം ഫൈസി ആദൃശ്ശേരി അധ്യക്ഷനായി. കോഡിനേഷന്‍ ഓഫ് ഇസ്‌ലാമിക് കോളജസുമായി അഫ്‌ലിയേറ്റ് ചെയ്ത 50 വാഫി, വഫിയ്യ സ്ഥാപനങ്ങളിലെ മെന്റര്‍മാരും പ്രിന്‍സിപ്പല്‍മാരും പങ്കെടുത്തു. മുഹമ്മദ് മുസ്തഫ വാഫി സ്വാഗതവും ഹാരിസ് അമീന്‍ വാഫി നന്ദിയും പറഞ്ഞു.