ചക്കക്കുരു കൊണ്ടൊരു വറൈറ്റി ഷേക്ക് ഉണ്ടാക്കാം.. ആന്റിഓക്‌സിഡന്റുകളാല്‍ സമൃദ്ധമാണ് ചക്കക്കുരു. ഈ ഷേക് കുടിച്ചാല്‍ ചക്കക്കുരുവാണെന്നു പോലും മനസിലാവില്ല. അത്രയ്ക്കും രുചിയാണിതിന്.  കുട്ടികള്‍ക്കും മുതിര്‍ന്നവര്‍ക്കുമൊക്കെ ഒരുപോലെ ഇഷ്ടപ്പെടുകയും ആരോഗ്യപ്രദവുമാണ് ഈ ഷേക്.

ചക്കക്കുരു -10
വെള്ളം - ആവശ്യത്തിന്
പഞ്ചസാര- അര കപ്പ്
പാല്‍ - ഒരു കപ്പ്
ഏലയ്ക്കാ- പൊടിച്ചത് കാല്‍ ടീസ്പൂണ്‍

തയാറാക്കുന്ന വിധം

ചക്കക്കുരു തൊലി കളഞ്ഞ് നന്നായി കുക്കറിലോ മറ്റോ ഇട്ട് വേവിച്ചെടുക്കുക. ഇത് മിക്‌സിയുടെ ജാറിലേക്കിട്ട് കുറച്ചു പാലും പഞ്ചസാരയും ഇട്ട് നന്നായി അടിച്ചെടുക്കുക. ശേഷം ബാക്കിപാലും ഏലയ്ക്കാപൊടിയും ബൂസ്റ്റ് വേണമെങ്കില്‍ കുറച്ചു ബൂസ്റ്റിന്റെ പൊടിയും ചേര്‍ത്ത് ഒന്നുകൂടെ അടിച്ചെടുക്കുക. തണുപ്പ് വേണമെങ്കില്‍ ഫ്രിഡ്ജില്‍ വച്ചു കഴിക്കാം. അടിപൊളി ചക്കക്കുരു ഷേക് റെഡി.