താനൂര്‍: അബദ്ധത്തില്‍ ട്രെയിനില്‍ കയറി യാത്രചെയ്ത ബാലന്‍ യാത്രക്കാരുടെ സഹായത്തോടെ നാട്ടില്‍ തിരിച്ചെത്തി. താനൂര്‍ പനങ്ങാട്ടൂര്‍ ചാഞ്ചേരിപറമ്പിലെ 12 വയസുകാരന്‍ സി.പി യാസറാണ് സുരക്ഷിതമായി വീട്ടിലെത്തിയത്. യാത്രക്കാരോടുകൂടെ താനൂര്‍ റെയില്‍വേ സ്റ്റേഷനിലിരിക്കുകയായിരുന്ന യാസര്‍ വൈകിട്ട് വരുന്ന ചെന്നൈ മെയിലില്‍ കയറുകയായിരുന്നു.
യാത്രയ്ക്കിടെ പെരുമാറ്റത്തില്‍ സംശയം തോന്നിയ അടുത്തുള്ള യാത്രക്കാരിലൊരാള്‍ യാസറിനോടു കാര്യങ്ങള്‍ അന്വേഷിച്ചപ്പൊഴാണ് അബദ്ധത്തില്‍ കയറിയതാണെന്നു മനസിലായത്. താനൂരിലാണ് വീടെന്നറിഞ്ഞ ഇദ്ദേഹം സുഹൃത്തായ ട്രോമാകെയര്‍ വളന്റിയര്‍ യു.പി ബഷീറിനെ വിവരമറിയിച്ചതിനെ തുടര്‍ന്നു യാത്രക്കാരും റെയില്‍വേ പൊലിസും ഇടപെട്ടു യാസിറിനെ തിരിപ്പൂരില്‍ ഇറക്കി ബന്ധുക്കളോടൊപ്പം വിട്ടു.