തലശ്ശേരി: രാജ് കമല്‍ സര്‍ക്കസ് കലാകാരന്‍മാര്‍ക്ക് ശമ്പളം മുടങ്ങിയെന്നാരോപിച്ച് ഉത്തരേന്ത്യയിലുള്‍പ്പെയുള്ള കലാകാരന്‍മാര്‍ ഉടമയുടെ ധര്‍മ്മടത്തെ വീടിന് മുന്നില്‍ ആരംഭിച്ച  കുത്തിയിരിപ്പ് സമരം രണ്ട് നാള്‍ പിന്നിട്ടു. മുടങ്ങിക്കിടന്ന ശമ്പള കുടിശികയില്‍ പകുതി നല്‍കാമെന്ന് ഉടമ സര്‍ക്കസ് കലാകാരന്‍മാരുടെ സംഘടനാ നേതാക്കള്‍ക്ക് ഉറപ്പ് നല്‍കിയെങ്കിലും പിന്നീട് പിന്‍മാറിയതായി പരാതിയുണ്ട്. ഇന്ന് വീണ്ടും ചര്‍ച്ച നടക്കും. രാജ്കമല്‍ സര്‍ക്കസ് ഉടമ ധര്‍മ്മടം റെയില്‍വേ സ്റ്റേഷന് സമീപത്തെ രാജ്കമലില്‍  രാജ്കുമാറിന്റെ വീടിന് മുന്നിലാണ് സര്‍ക്കസ് കലാകാരന്‍മാര്‍ തങ്ങളുടെ പ്രതിക്ഷേധം സമരം നടത്തുന്നത്.