കണ്ണൂര്‍: പുതിയതെരുവില്‍ മതപരിവര്‍ത്തനം ആരോപിച്ച് പാസ്റ്ററെയും കുടുംബത്തെയും ആക്രമിച്ച കേസില്‍ ഒരാളെകൂടി പൊലിസ് അറസ്റ്റുചെയ്തു. ചിറക്കല്‍ പട്ടേല്‍ റോഡിലെ കൊളപ്രത്ത് ഹൗസില്‍ ഷിമോദിനെ(37) ആണ് വളപട്ടണം എസ്.ഐ ശ്രീജിത് കൊടേരിയും സംഘവും പിടികൂടിയത്. ആര്‍.എസ്.എസ് പ്രവര്‍ത്തകനായ ഇയാള്‍ പുതിയതെരുവില്‍ ഓട്ടോ ഡ്രൈവറാണ്. മൂന്നുവര്‍ഷം മുമ്പ് നടന്ന ബോംബേറ് കേസിലും വളപട്ടണം സി.ഐയെ ആക്രമിച്ച കേസിലും ഇയാള്‍ പ്രതിയാണെന്നു പൊലിസ് പറഞ്ഞു. കേസില്‍ ഇതുവരെ നാലുപേര്‍ പിടിയിലായി. പത്തുപേര്‍ക്കെതിരെയാണ് കേസ്.