കൊച്ചി: അന്തരിച്ച സി.പി.എം നേതാവ് എംഎം ലോറന്‍സിന്റെ മൃതദേഹം വൈദ്യ പഠനത്തിന്. മെഡിക്കല്‍ കോളജിന് കൈമാറാനുള്ള തീരുമാനത്തിനെതിരെ മകള്‍ ആശ ലോറന്‍സ് നല്‍കിയ ഹരജി ഹൈക്കോടതി തള്ളി. 

ലോറന്‍സിന്റെ മൃതദേഹം കളമശ്ശേരി മെഡിക്കല്‍ കോളേജിന് കൈമാറരുതെന്നും മൃതദേഹം ആശുപത്രിക്ക് കൈമാറാന്‍ ലോറന്‍സ് പറഞ്ഞിരുന്നില്ലെന്നും കാണിച്ചാണ് ആശ ഹൈക്കോടതിയില്‍ ഹരജി നല്‍കിയിരുന്നത്. ഹൈക്കോടതി സിംഗിള്‍ ബെഞ്ചിന്റേതാണ് തീരുമാനം. 

ഹരജിക്ക് പിന്നാലെ മൃതദേഹം കളമശ്ശേരി മെഡിക്കല്‍ കോളേജിലെ മോര്‍ച്ചറിയില്‍ സൂക്ഷിക്കാന്‍ കോടതി ഉത്തരവിട്ടിരുന്നു. കളമശേരി മെഡിക്കല്‍ കോളേജ് ഓഫിസര്‍ വിഷയം തീര്‍പ്പാക്കണമെന്നും കേരള അനാട്ടമി ആക്ട് പ്രകാരം വിഷയത്തില്‍ നിയമവശങ്ങള്‍ പരിശോധിച്ചു മറ്റു നടപടികള്‍ സ്വീകരിക്കണമെന്നും ഹൈക്കോടതി ചൂണ്ടിക്കാട്ടിയിരുന്നു. ഇതോടെ വിഷയം പരിഹരിക്കാന്‍ കളമശേരി മെഡിക്കല്‍ കോളേജ് അഡ്വസൈറി കമ്മിറ്റി രൂപീകരിക്കുകയായിരുന്നു. ഇതിന്റെ ഭാഗമായി മക്കളുടെ ഭാഗങ്ങള്‍ വിസ്തരിച്ച് കേട്ട അഡൈ്വസറി കമ്മിറ്റി വൈദ്യപഠനത്തിന് വിട്ടുനല്‍കാന്‍ തീരുമാനിക്കുകയായിരുന്നു.

The Kerala High Court has dismissed a petition filed by Ash Lawrence, daughter of the late CPM leader M.M. Lawrence, opposing the decision to donate his body to a medical college for study