പ്ലാറ്റിനം ക്രസന്റിന് ഗ്രീന്‍ ഹോംസ് പ്രീസര്‍ട്ടിഫിക്കേഷന്‍

backup

August 31 2016 | 22:08 PM

%e0%b4%aa%e0%b5%8d%e0%b4%b2%e0%b4%be%e0%b4%b1%e0%b5%8d%e0%b4%b1%e0%b4%bf%e0%b4%a8%e0%b4%82-%e0%b4%95%e0%b5%8d%e0%b4%b0%e0%b4%b8%e0%b4%a8%e0%b5%8d%e0%b4%b1%e0%b4%bf%e0%b4%a8%e0%b5%8d-%e0%b4%97-2

കോഴിക്കോട്: പ്രമുഖ ബില്‍ഡറായ ക്രെസന്റ് ബില്‍ഡേഴ്‌സിന്റെ പ്ലാറ്റിനം ക്രസന്റ് സിഗ്നേച്ചര്‍ റെസിഡന്‍സിന് ഇന്ത്യന്‍ ഗ്രീന്‍ ബില്‍ഡിംഗ് കൗണ്‍സിലി (ഐ.ജി.ബി.സി)ന്റെ ഗ്രീന്‍ ഹോംസ് സില്‍വര്‍ പ്രീസര്‍ട്ടീഫിക്കേഷന്‍ ലഭിച്ചു. കോണ്‍ഫെഡറേഷന്‍ ഓഫ് ഇന്ത്യന്‍ ഇന്‍ഡസ്ട്രി (സി.ഐ.ഐ) യുടെ ഭാഗമായി ഐ.ജി.ബി സിയുടെ ഗ്രീന്‍ ഹോംസ് പ്രീസര്‍ട്ടീഫിക്കേഷന്‍ ലഭിക്കുന്ന മലബാറിലെ ആദ്യത്തെ റസിഡന്‍ഷ്യല്‍ പ്രോജക്ടാണിതെന്ന് ക്രസന്റ് ബില്‍ഡേഴ്‌സ് അധികൃതര്‍ വാര്‍ത്താസമ്മേളനത്തില്‍ പറഞ്ഞു.
ഇന്നലെ കോഴിക്കോട് മലബാര്‍ പാലസില്‍ നടന്ന ചടങ്ങില്‍ ഐ.ജി.ബി.സി ഗ്രീന്‍ ബില്‍ഡിങ് കണ്‍സള്‍ട്ടന്റും ഇ.എന്‍ 3 സസ്റ്റെയ്‌നബിലിറ്റി സൊല്യൂഷന്‍സ് മാനേജിംഗ് ഡയറക്ടറുമായ സത്യറാം റാം, ക്രസന്റ് ബില്‍ഡേഴ്‌സ് മാനേജിംഗ് പാര്‍ട്ണര്‍ കെ.വി ഹസീബ് അഹമ്മദിന് സര്‍ട്ടിഫിക്കറ്റ് കൈമാറി.കോഴിക്കോട്ട് വയനാട് റോഡില്‍ മലബാര്‍ കൃസ്ത്യന്‍ കോളജിനു സമീപം പണി പൂര്‍ത്തിയായിവരുന്ന പ്ലാറ്റിനം ക്രസന്റിന് നേരത്തെ 'ക്രിസില്‍' 5 സ്റ്റാര്‍ റേറ്റിംഗും ലഭിച്ചിരുന്നതായി ക്രസന്റ് അധികൃതര്‍ പറഞ്ഞു.
ക്രസന്റ് ബില്‍ഡേഴ്‌സ് അസി. ജനറല്‍ മാനേജര്‍ ജെസ്‌വിന്ത് ക്ലമന്റ്, കെ.വി കുഞ്ഞഹമ്മദ്, ബാബു ചെറിയാന്‍, ജിജോ ജോണ്‍ സംബന്ധിച്ചു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."