തിരുവനന്തപുരം: നാലുപേര്‍ക്കു പുതുജീവിതം നല്‍കി  അഖില്‍ യാത്രയായി. കഴിഞ്ഞ ദിവസം വലിയവേളിയില്‍ വെച്ചുണ്ടായ ബൈക്കപകടത്തില്‍ മരിച്ച കൊച്ചുതോപ്പ് ഫാത്തിമമാതാ പളളിക്കുസമീപം ടിസി 781262ല്‍ ബീനയുടെ മകന്‍ അഖില്‍ അലക്‌സി(19) ന്റെ അവയവങ്ങള്‍ ദാനം ചെയ്തു. ഏകമകന്റെ അപ്രതീക്ഷിത വേര്‍പാടിനിടയിലും അവയവദാനത്തിന് അമ്മ സമ്മതപത്രം നല്‍കി.  ബീനയുടെ ഭര്‍ത്താവ് അലക്‌സ് മൂന്നുവര്‍ഷം മുമ്പാണ്  മരിച്ചത്. ഒരു മകള്‍ കൂടിയുണ്ട്. വി.എസ്.ശിവകുമാര്‍ എം.എല്‍.എ. അഖിലിന്റെ കുടുംബത്തെ സന്ദര്‍ശിച്ചു.