പൂച്ചാക്കല്‍ : കുളത്തില്‍ കുളിക്കാനിറങ്ങി മുങ്ങിമരിച്ച വിദ്യാര്‍ഥികള്‍ നാടിന്റെ വേദനയായി.
നദ്‌വത്തുല്‍ ഇസ്‌ലാം യു.പി സ്‌കൂള്‍ ഏഴാം ക്ലാസ് വിദ്യാര്‍ഥികളായ അരൂക്കുറ്റി പഞ്ചായത്തില്‍ വെളിപ്പറമ്പില്‍ സുധീര്‍ഫാസില ദമ്പതികളുടെ മകന്‍ എസ്.തൗഫീഖ് റഹ്മാന്‍(12)പള്ളുരിത്തിയില്‍ നിന്ന്  അരൂക്കുറ്റിയില്‍ താമസിക്കുന്ന പുത്തലത്ത് വീട്ടില്‍ ഫൈസല്‍ഷെമീറ ദമ്പതികളുടെ മകന്‍ പി.എഫ് മുഹമ്മദ് ഫയാസ് എന്നിവരുടെ വിയോഗമാണ് നാടിനെ കണ്ണീരിലാക്കിയത്. സംഭവം നാട്ടുകാര്‍ക്കും വീട്ടുകാര്‍ക്കും വിശ്വസിക്കാനാവുന്നില്ല.
ബുധനാഴ്ച വൈകുന്നേരം മൂന്നുമണിയോടെയാണ്  ദുരന്തം നടന്നത്.സ്‌കൂളിലെ പരീക്ഷകഴിഞ്ഞ് വടുതല ആയിരത്തിയെട്ട് ജങ്ഷന് സമീപമുള്ള കുറുപ്പച്ചേരി പ്രദേശത്തെ കുളത്തില്‍ അഞ്ചുപേര്‍ അടങ്ങുന്ന സംഘമായാണ് സ്‌കൂളില്‍ നിന്ന് കുളിക്കാന്‍ വന്നത്.
ഇതില്‍ മൂന്ന് പേര്‍ കുളിച്ചശേഷം മടങ്ങിപോകുകയും ചെയ്തു.  
തൗഫീഖിന്റെയും ഫയാസിന്റെയും വസ്ത്രങ്ങളും സൈക്കിളും കുളത്തിനരികില്‍ ഇരിക്കുന്നത് കണ്ട നാട്ടുകാരായ യുവാക്കളാണ് കുളത്തില്‍ തിരച്ചില്‍ നടത്തിയത്.