ഗസ്സ: ഗസ്സയിലെ വീടുകള്‍ ഇടിച്ചു നിരത്താന്‍ ഇസ്‌റാഈല്‍  ഉപയോഗിക്കുന്ന കവചിത ബുള്‍ഡോസറുകള്‍ വിതരണം ചെയ്യുന്നത് മരവിപ്പിച്ച് അമേരിക്ക. 130 ബുള്‍ഡോസറുകളുടെ വിതരണം അമേരിക്ക താല്‍ക്കാലികമായി മരവിപ്പിച്ചതായി ഇസ്‌റാഈല്‍ മാധ്യമം യെദിയോത് അഹ്‌റോനോത് റിപ്പോര്‍ട്ട് ചെയ്തു.

കാറ്റര്‍പില്ലര്‍ നിര്‍മ്മിക്കുന്ന ഹെവിഡ്യൂട്ടി നിര്‍മ്മാണ ഉപകരണങ്ങളായ ഡി9 ബുള്‍ഡോസറുകള്‍ 134 എണ്ണം വാങ്ങുന്നതിനുള്ള കരാറില്‍ ഇസ്‌റാഈലി പ്രതിരോധ മന്ത്രാലയം ഒപ്പുവെച്ചിരുന്നു.

ഇസ്‌റാഈല്‍ പ്രതിരോധ മന്ത്രാലയമാണ് ഡി9 ബുള്‍ഡോസറുകള്‍ വിതരണം ചെയ്യാന്‍ യു.എസുമായി കരാറിലേര്‍പെട്ടത്. കാറ്റ്പില്ലര്‍ നിര്‍മിക്കുന്ന കനത്ത കായിക ശേഷിയുള്ളതാണ് ഈ ബുള്‍ഡോസറുകള്‍. 

പ്രധാനമായും ഗസ്സ മുനമ്പിലെ കെട്ടിടങ്ങള്‍ നിരപ്പാക്കുന്നതിനാണ് ബുള്‍ഡോസറുകള്‍ ഉപയോഗിച്ചിരുന്നത്. ഗസ്സയിലെ കെട്ടിടങ്ങള്‍ ഇടിച്ചു നിരത്താന്‍ ബുള്‍ഡോസറുകള്‍ നല്‍കുന്നത് യുഎസില്‍ രൂക്ഷമായ ആഭ്യന്തര വിമര്‍ശനത്തിന് കാരണമായിരുന്നു.

പ്രസിഡന്റ് ജോ ബൈഡന്റെ ഭരണത്തിന്മേല്‍ കടുത്ത സമ്മര്‍ദ്ദത്തിലേക്ക് നയിച്ച വിമര്‍ശനങ്ങളാണ് ബുള്‍ഡോസറുകളുടെ ഡെലിവറികള്‍ മരവിപ്പിക്കുന്നതിന് കാരണമായത്. ജനവിധി ബൈഡന്‍ ഭരണകൂടത്തിന് എതിരായത് നീക്കം കൂടുതല്‍ വേഗത്തിലാക്കുകയും ചെയ്തു. 

നിലവില്‍ ഗസ്സയില്‍ ഇസ്‌റാഈല്‍ സൈന്യം ഉപയോഗിക്കുന്ന നിരവധി ഡി9 ബുള്‍ഡോസറുകള്‍ക്ക് അറ്റകുറ്റപ്പണി ആവശ്യമാണെന്ന് റിപ്പോര്‍ട്ട് പറയുന്നു. അതേസമയം, മെയിന്റന്‍സ് വര്‍ക്കിന് ആളെ അയക്കുമോ എന്ന കാര്യത്തില്‍ യു.എസ് നിലപാട് വ്യക്തമാക്കിയിട്ടില്ല. 

In response to mounting domestic criticism, the U.S. has temporarily halted the delivery of 130 Caterpillar D9 armored bulldozers to Israel. These heavy-duty bulldozers have been used extensively in Gaza for demolishing buildings, stirring controversy and opposition within the U.S. The suspension follows significant pressure on the Biden administration, intensifying as Israel's Gaza operations continue. Israel's defense ministry had already signed a deal for these units, but their deployment now faces uncertainty amid rising calls for accountability in U.S.-Israel defense arrangements.