കൊല്ലം: ജില്ലയില്‍ ഹോര്‍ട്ടികോര്‍പ്പ് ഓണച്ചന്തകള്‍ ഒമ്പതു മുതല്‍ പ്രവര്‍ത്തനം ആരംഭിക്കും. ഓണച്ചന്തകള്‍ക്കായി തൃശൂര്‍, പാലക്കാട് എന്നിവിടങ്ങളില്‍നിന്ന് പച്ചക്കറികള്‍ ഹോര്‍ട്ട്‌കോര്‍പ് ജില്ലാ കേന്ദ്രമായ ചന്ദനത്തോപ്പിലെ ഗോഡൗണില്‍ എത്തിത്തുടങ്ങി. ജില്ലയിലെ ഇരുപത് സ്ഥലങ്ങളിലായാണ് ഓണം ഫെയറുകള്‍ നടക്കുക.
കൊല്ലത്ത് കടപ്പാക്കട സ്‌പോര്‍ട്‌സ് ക്ലബ് പരിസരം, എ.ആര്‍ ക്യാംപ്, കടപ്പാക്കട ജങ്ഷന്‍, കലക്ടറേറ്റ്, കൊട്ടാരക്കര ചന്തമുക്ക്, ഭരണിക്കാവ്, ചക്കുവള്ളി, ശാസ്താംകോട്ട, ഓച്ചിറ, ചന്ദനത്തോപ്പ്, കരിക്കോട്, പരവൂര്‍, കുണ്ടറ, തട്ടാമല, കരുനാഗപ്പള്ളി എന്നിവിടങ്ങളിലാണ് ഫെയറുകള്‍ തുടങ്ങുക.