അഞ്ചാലുമ്മൂട്: നീരാവില്‍ നവോദയം ഗ്രന്ഥശാലാ - കലാ കായിക വേദിയുടെ ആഭിമുഖ്യത്തിലുള്ള ദശദിന ഓണോത്സവത്തിന് അഞ്ചിന് തുടക്കമാകും.
പരമ്പരാഗത തൊഴില്‍ മത്സരങ്ങള്‍, 100 വൃദ്ധ മാതാക്കള്‍ക്ക് ഓണപ്പുടവ വിതരണം, സ്‌നേഹസദ്യ, കലാ-കായിക മത്സരങ്ങള്‍, സാംസ്‌കാരിക സമ്മേളനം എന്നിവയാണ് മുഖ്യ ഇനങ്ങള്‍. ഗ്രന്ഥശാലാ ജനരഞ്ജിനി ഹാള്‍, കെ.പി. അപ്പന്‍ സ്മാരക നവശക്തി ഓപ്പണ്‍ എയര്‍ ആഡിറ്റോറിയം, മുരുന്തല്‍ കയര്‍ വ്യവസായ സഹകരണ സംഘം എന്നിവിടങ്ങളിലാണ് പരിപാടികള്‍. അഞ്ചിന്
വൈകിട്ട് 7 മുതല്‍ ഷട്ടില്‍ ടൂര്‍ണ്ണമെന്റോടെയാണ് ഓണോത്സവത്തിന് തുടക്കം. 11ന് രാവിലെ 8ന് കലാസമിതി പ്രസിഡന്റ് രാജേഷ് തൃക്കാട്ടില്‍ പതാക ഉയര്‍ത്തും.
തുടര്‍ന്ന് അഷ്ടമുടിക്കായലോരത്തെ മുരുന്തല്‍ കയര്‍ വ്യവസായ സഹകരണ സംഘം (കലങ്കുംമുഖം) വളപ്പില്‍, തൊണ്ട് തല്ലല്‍, കയര്‍ പിരി ഓലമെടയല്‍ തുടങ്ങിയ പരമ്പരാഗത തൊഴില്‍ മത്സരങ്ങള്‍ ഫിഷറീസ് മന്ത്രി ജെ. മേഴ്‌സിക്കുട്ടിയമ്മ ഉദ്ഘാടനം ചെയ്യും. ചടങ്ങില്‍ നൂറ് വൃദ്ധമാതാക്കള്‍ക്ക് നവോദയം ഗ്രന്ഥശാല നല്‍കുന്ന ഓണപ്പുടവ വിതരണം ചെയ്യും. പള്ളിമണ്‍ സിദ്ധാര്‍ഥാ സെന്‍ട്രല്‍ സ്‌കൂള്‍ 30 നിര്‍ധന കുടുംബങ്ങള്‍ക്ക് ഓണക്കിറ്റുകളും നല്‍കും.തുടര്‍ന്നു സ്‌നേഹ സദ്യയും നടക്കും.
15ന് വൈകിട്ട് 6.30 ന് നവശക്തി ഓപ്പണ്‍ എയര്‍ ഓഡിറ്റോറിയത്തില്‍ നടക്കുന്ന സമാപന സമ്മേളനം എം. മുകേഷ് എം.എല്‍. എ ഉദ്ഘാടനം ചെയ്യും. കലാസമിതി പ്രസിഡന്റ് രാജേഷ് തൃക്കാട്ടില്‍ അധ്യക്ഷനാകും.