ഇരുമ്പന്‍ പുളി (അവെറോവ ബിലിമ്പി) എന്നു വിളിക്കുന്ന ഈ പുളി മരത്തില്‍ കുലകളായി തൂങ്ങിക്കിടക്കുന്ന ചെറിയ, പച്ച നിറത്തിലുള്ള കായ്കളാണ്. സാധാരണയായി ബിലിമ്പി അല്ലെങ്കില്‍ ട്രീ സോറല്‍ എന്നും അറിയപ്പെടുന്നു. 

എന്താണ് ഇരുമ്പന്‍ പുളിയുടെ ആരോഗ്യഗുണങ്ങള്‍

ഇരുമ്പന്‍ പുളി രോഗപ്രതിരോധ ശേഷി വര്‍ധിപ്പിക്കന്‍ സഹായിക്കുന്നു. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും വളരെ നല്ലതാണ്. ഗ്ലുക്കോസിന്റെ അളവ് കുറയ്ക്കാന്‍ ഇതിലെ ഫ്‌ളേവനോയിഡുകളും നാരുകളുമെല്ലാം സഹായിക്കുന്നു.

ഇരുമ്പന്‍ പുളിയില്‍ വിറ്റാമിന്‍ സിയും കാല്‍സ്യവും ധാരാളമായി അടങ്ങിയിരിക്കുന്നതിനാല്‍ തന്നെ ഇത് രോഗപ്രതിരോധ ശേഷി വര്‍ധിപ്പിക്കുകയും ജലദോഷം, ചുമ തുടങ്ങിയ അണുബാധകളില്‍ നിന്ന് സംരക്ഷിക്കുകയും ചെയ്യുന്നു. 

ഇരുമ്പന്‍ പുളിയിലെ ആന്റിഓക്‌സിഡന്റുകള്‍ രക്തചംക്രമണം മെച്ചപ്പെടുത്താനും രക്തസമ്മര്‍ദ്ദം നിയന്ത്രിക്കുന്നതിനും  ഹൃദ്രോഗ സാധ്യത കുറയ്ക്കാനും സഹായിക്കുന്നു.

ഇരുമ്പന്‍ പുളി ദഹന എന്‍സൈമുകളുടെ ഉത്പാദനം വര്‍ധിപ്പിക്കുകയും ദഹനപ്രക്രിയ സുഗമമാക്കുകയും ചെയ്യുന്നു.
 
ഇരുമ്പന്‍ പുളിയിലെ ആന്റിഓക്‌സിഡന്റുകള്‍ ചര്‍മ്മത്തെ പ്രകാശിപ്പിക്കുകയും വയലറ്റ് രശ്മികളില്‍ നിന്ന് സംരക്ഷിക്കുകയും ചെയ്യുന്നു

 ഇരുമ്പന്‍ പുളിയില്‍ കാല്‍സ്യം ധാരാളമായി അടങ്ങിയിരിക്കുന്നതിനാല്‍ ഇത് പല്ലിനും എല്ലിനും ബലം നല്‍കുന്നു

ഇതില്‍ ഉയര്‍ന്ന അളവില്‍ ഓക്‌സാലിക് ആസിഡ് അടങ്ങിയിട്ടുണ്ട്. ഇതിന്റെ കഷായം ചുമയ്ക്ക് ഉപയോഗിക്കുന്നു.
 
ചര്‍മത്തിലെ ചൊറിച്ചില്‍, മുണ്ടിനീര്‍, വാതരോഗങ്ങള്‍, വിഷജന്തുക്കളുടെ കടി എന്നിവയ്ക്ക് ഇതിന്റെ ഇലകളും ഉപയോഗിക്കുന്നു. 

നേത്ര രോഗങ്ങള്‍ക്ക് പ്രതിവിധിയായി ഇരുമ്പന്‍പുളിയുടെ നീര് കൊണ്ടു തുള്ളിമരുന്നുണ്ടാക്കാന്‍ ഉപയോഗിക്കുന്നു. 

പല്ലുവേദന ചികിത്സിക്കാന്‍ ഇതിന്റെ പൂക്കള്‍ ഉപയോഗിക്കുന്നു

വസത്രത്തിലെ കറകള്‍ കളയാന്‍ ബ്ലീച്ചിങ് ഏജന്റായും ഉപയോഗിക്കുന്നു

ലോഹങ്ങളിലെ തുരുമ്പും കറയും നീക്കം ചെയ്യാനും ഉത്തമമാണ്

ഉപയോഗങ്ങള്‍

ഇരുമ്പന്‍ പുളി ഉപയോഗിച്ച് നിരവധി വിഭവങ്ങള്‍ തയ്യാറാക്കാം. അച്ചാര്‍, തോരന്‍, കറികള്‍ എന്നിവ ഇതില്‍പെടുന്നു. വിനാഗിരി ഉല്‍പാദനത്തിനായും ഇതുപയോഗിക്കുന്നു. മാത്രമല്ല പഞ്ചസാര ധാരാളം ചേര്‍ത്ത് ജാമും പാനീയങ്ങളും ഉണ്ടാക്കുന്നു. അച്ചാറിടാനും എല്ലാവരും ഉപയോഗിക്കുന്നു. 

ഇരുമ്പന്‍ പുളി കൊണ്ട് ഇങ്ങനെ അച്ചാര്‍ ഇടാം

അച്ചാര്‍ ഇരുമ്പന്‍ പുളി അരിഞ്ഞ് വെളുത്തുള്ളി, മുളക്, എണ്ണ എന്നിവ ചേര്‍ത്ത് അച്ചാര്‍ ഉണ്ടാക്കാം.

തോരന്‍
ഇരുമ്പന്‍ പുളി അരിഞ്ഞ് തേങ്ങ, കടുക്, ഉഴുന്ന് എന്നിവ ചേര്‍ത്ത് തോരന്‍ ഉണ്ടാക്കാം.

ശ്രദ്ധിക്കേണ്ട കാര്യങ്ങള്‍
ഇരുമ്പന്‍ പുളി അമിതമായി ഉപയോഗിക്കുന്നത് ദഹനക്കേട് ഉണ്ടാക്കിയേക്കാം. 
ഗര്‍ഭിണികളും മുലയൂട്ടുന്ന സ്ത്രീകളും ഇത് ഉപയോഗിക്കുന്നതിന് മുമ്പ് ഒരു ഡോക്ടറെ കാണുന്നത് നന്നായിരിക്കും.