കോഴിക്കോട്: മതസൗഹാര്‍ദ സമിതിയുടെ ആഭിമുഖ്യത്തില്‍ സംഘടിപ്പിച്ച മതസൗഹാര്‍ദ റാലി ആരംഭിച്ചു. കിഡ്‌സണ്‍ കോര്‍ണറില്‍ നിന്നാരംഭിച്ച റാലി ഡോ. ഹുസൈന്‍ മടവൂര്‍ ഉദ്ഘാടനം ചെയ്തു. ആറ്റക്കോയ പള്ളിക്കണ്ടി അധ്യക്ഷത വഹിച്ചു.
മതസൗഹാര്‍ദ പതാക ബോബി ചെമ്മണ്ണൂര്‍ കൈമാറി. ഇന്‍ഡോ അറബ് കോണ്‍ഫെഡറേഷന്‍ പ്രസിഡന്റ് എം.വി കുഞ്ഞാമു, കെ. ഷീല, പ്രൊഫ. വര്‍ഗീസ് മാത്യു, രഘുനാഥന്‍ കൊളത്തൂര്‍, ഷിബു മുഹമ്മദ്, പ്രേമന്‍ പി. കൊളത്തറ, രാമനാഥന്‍, സി. ജിജു, സണ്ണിജോസഫ് പ്രസംഗിച്ചു.
റിട്ട. ജഡ്ജി എന്‍. ശാന്തകുമാരി സ്വാഗതം പറഞ്ഞു. മതസൗഹാര്‍ദവും മതേതരത്വവും ഊട്ടിയുറപ്പിക്കാനുള്ള ശ്രമത്തിന്റെ ഭാഗമായി കാസര്‍കോട് മുതല്‍ തിരുവനന്തപുരം വരെയാണ് റാലി സംഘടിപ്പിക്കുന്നത്.