ന്യൂഡല്‍ഹി: ബാബരി മസ്ജിദ് ഒഴികെയുള്ള ഇന്ത്യയിലെ ആരാധനാലയങ്ങളുടെ മതപരമായ സ്വഭാവം 1947 ആഗസ്റ്റ് 15-ലെ തല്‍സ്ഥിതിയില്‍ നിന്നും മാറ്റം വരുത്തുക എന്നത് ക്രമിനിനല്‍ കുറ്റമാക്കി മാറ്റിയ ദ പ്ലെയ്‌സസ് ഓഫ് വര്‍ഷിപ്പ് (സ്‌പെഷ്യല്‍ പ്രൊവിഷ്യന്‍സ്) ആക്റ്റ്, 42 ഓഫ് 1991-ന്റെ നിയമ സാധുത ചോദ്യം ചെയ്ത് കൊണ്ട് സുപ്രീം കോടതി മുമ്പാകെ ഫയല്‍ ചെയ്തിട്ടുള്ള കേസില്‍ പ്രസ്തുത നിയമത്തിന് അനുകൂല വാദം ഉന്നയിക്കുന്നതിന് വേണ്ടി സമസ്ത കേരള ജംഇയ്യത്തുല്‍ ഉലമാ ഫയല്‍ ചെയ്ത ഹരജി നാളെ പരിഗണിക്കും. ചീഫ് ജസ്റ്റിസ് സജ്ഞീവ് ഖന്ന, ജസ്റ്റിസുമാരായ പി.വി. സജ്ഞയ് കുമാര്‍, കെ.വി. വിശ്വനാഥന്‍ എന്നിവരടങ്ങിയ ബെഞ്ചാണ് കേസ് പരിഗണിക്കുന്നത്. സമസ്തക്ക് വേണ്ടി സീനിയര്‍ അഭിഭാഷകന്‍ പി.വി. ദിനേഷ്, അഡ്വക്കറ്റ് ഓണ്‍ റെക്കോര്‍ഡ്‌ സുല്‍ഫീക്കര്‍ അലി പി.എസ്, മുഹമ്മദ് ത്വയ്യിബ് ഹുദവി എന്നിവര്‍ ഹാജരാവും.