തലശ്ശേരി: ശമ്പളം മുടങ്ങിയെന്നാരോപിച്ച് ഉത്തരേന്ത്യയിലുള്‍പ്പെയുള്ള കലാകാരന്‍മാര്‍മാര്‍ രാജ് കമല്‍ സര്‍ക്കസ് ഉടമയുടെ വീടിനു മുന്നില്‍ നടത്തിവന്ന കുത്തിയിരിപ്പ് സമരം പിന്‍വലിച്ചു. മുടങ്ങിക്കിടന്ന ശമ്പള കുടിശികയില്‍ രണ്ടാഴ്ചക്കകം നല്‍കാമെന്ന ഉറപ്പിലാണ് സമരം അവസാനിപ്പിച്ചത്. രാജ്കമല്‍ സര്‍ക്കസ് ഉടമ ധര്‍മ്മടം റെയില്‍വെ സ്റ്റേഷനു സമീപത്തെ രാജ്കമലില്‍ രാജ്കുമാറിന്റെ വീടിനു മുന്നിലാണ് കൈക്കുഞ്ഞുങ്ങള്‍ ഉള്‍പ്പെടെ 20 അംഗ സംഘം  കുത്തിയിരിപ്പ് സമരം നടത്തിവന്നത്. ചര്‍ച്ചയുടെ അടിസ്ഥാനത്തില്‍ ഇന്നലെ ഉച്ചയോടെയാണ് അവസാനിപ്പിച്ചത്. താല്‍ക്കാലിക ആശ്വാസമെന്ന നിലയില്‍ ഓരോരുത്തര്‍ക്കും 10,000 രൂപ വീതം നല്‍കാനും ബാക്കിയുള്ള കുടിശിക ഉടന്‍ നല്‍കാനും ധാരണയായി.