പയ്യന്നൂര്‍: ഭിന്നശേഷിയുള്ള യുവതിയെ പ്രലോഭിപ്പിച്ച് ലോഡ്ജില്‍ കൊണ്ടുപോയി പീഡിപ്പിച്ച സംഭവത്തില്‍ യുവാവ് അറസ്റ്റില്‍. കരിവെള്ളൂര്‍ കൂക്കാനം സ്വദേശി വടക്കെവീട്ടില്‍ റിനീഷി(34)നെയാണ് എസ്.ഐ എ.വി ദിനേശ് അറസ്റ്റു ചെയ്തത്. ഇക്കഴിഞ്ഞ 13നാണ് കേസിനാസ്പദമായ സംഭവം. കേളോത്ത് സ്വദേശിനിയായ മാനസിക വളര്‍ച്ച എത്താത്ത 21കാരിയെ പ്രലോഭിപ്പിച്ച് കണ്ണൂര്‍ റെയില്‍വേ സ്റ്റേഷനു സമീപത്തെ ലോഡ്ജില്‍ എത്തിച്ച് പ്രതി പീഡിപ്പിക്കുകയായിരുന്നുവെന്ന് പൊലിസ് പറഞ്ഞു. ടൈല്‍സ് ജോലിക്കാരനാണ് റിനീഷ്. യുവതിയുടെ മതാവിന്റെ പരാതിയില്‍ പൊലിസ് കരിവെള്ളൂരില്‍ വെച്ചാണ് ഇയാളെ അറസ്റ്റു ചെയ്തത്. പ്രതിയെ റിമാന്‍ഡ് ചെയ്തു.