കണ്ണൂര്‍: സംഘടനാ സംവിധാനം ശാസ്ത്രീയവും ഓഫിസ് സംവിധാനം കാര്യക്ഷമമാക്കുന്നതിനുമായി എസ്.കെ.എസ്.എസ്.എഫ് ജില്ലാകമ്മിറ്റി നടത്തുന്ന ശാഖാ അദാലത്ത് നാളെ രാവിലെ പത്തുമുതല്‍ ഉച്ചയ്ക്കു രണ്ടുവരെ കണ്ണൂര്‍ ഇസ്‌ലാമിക് സെന്ററില്‍ നടക്കും. സംഘടനാ രേഖകള്‍, ഓഫിസ് ഡോക്യുമെന്റ്‌സ് എന്നിവകളാണ് അദാലത്തില്‍ ഹാജരാക്കേണ്ടത്. നേരത്തെ നടത്തിയ അദാലത്തുകളില്‍ പങ്കെടുക്കാത്ത ശാഖകളും പുതുതായി രൂപീകരിച്ച ശാഖാ പ്രതിനിധികളും എത്തണം.  സംസ്ഥാന നേതാക്കളായ സലാം ദാരിമി കിണവക്കല്‍, ഷഹീര്‍ പാപ്പിനിശ്ശേരി, അബ്ദുല്‍ ലത്തീഫ് പന്നിയൂര്‍ എന്നിവര്‍ അദാലത്തിനു മേല്‍നോട്ടം വഹിക്കും. പങ്കെടുത്ത ശാഖകളെ മാത്രമേ സംഘടനാ കാര്യങ്ങള്‍ക്കും തുടര്‍ന്നുള്ള പ്രവര്‍ത്തനങ്ങള്‍ക്കും പരിഗണിക്കൂവെന്നതിനാല്‍ അവസരം ഉപയോഗപ്പെടുത്തണമെന്നു ജില്ലാ പ്രസിഡന്റ് ബഷീര്‍ അസ്അദി നമ്പ്രം, ജനറല്‍സെക്രട്ടറി മഹ്‌റൂഫ് മട്ടന്നൂര്‍, ട്രഷറര്‍ ജുനൈദ് ചാലാട് എന്നിവര്‍ അറിയിച്ചു.