കണ്ണൂര്‍: കൂത്തുപറമ്പില്‍ നടന്ന ജില്ലാ സമ്മേളനവുമായി ബന്ധപ്പെട്ട് എം സ്വരാജ് എം.എല്‍.എയ്‌ക്കെതിരേ ഉയര്‍ന്ന വിമര്‍ശനം ശരിവച്ച് എ.ഐ.വൈ.എഫ് ജില്ലാ നേതൃത്വം. സ്വരാജിന്റേത് ശരിയായ ഭാഷയല്ലെന്നും ഡി.വൈ.എഫ്.ഐ പോലുള്ള യുവജന പ്രസ്ഥാനത്തിലൂടെ രാഷ്ട്രീയത്തിലെത്തിയ അദ്ദേഹം കുറച്ചുകൂടി പക്വത കാണിക്കണമെന്നും എ.ഐ.വൈ.എഫ് സംസ്ഥാന വൈസ് പ്രസിഡന്റ് അഡ്വ. പി അജയകുമാര്‍ പറഞ്ഞു. മൂക്കാതെ പഴുത്ത നേതാവാണ് സ്വരാജെന്നും വിവാദങ്ങള്‍ക്കു തുടക്കമിട്ടത് അദ്ദേഹമാണെന്നും നേതാക്കള്‍ ആരോപിച്ചു. സമ്മേളനത്തില്‍ വിദ്യാഭ്യാസമന്ത്രി രാജിവയ്ക്കണമെന്ന് പരാമര്‍ശമുണ്ടായിട്ടില്ല. എന്നാല്‍ പാഠപുസ്തക വിതരണവുമായി ചര്‍ച്ച നടന്നിട്ടുണ്ടെന്നും നേതാക്കള്‍ പറഞ്ഞു.