തൃശൂര്‍: ഓട്ടുപാറയില്‍ കെ.എസ്.ആര്‍.ടി.സി ബസ് പെട്ടി ഓട്ടോയിലിടിച്ച് നാലുവയസുകാരി മരിച്ചു. മുള്ളൂര്‍ക്കര സ്വദേശിയായ നൂറ ഫാത്തിമായാണ് മരിച്ചത്. വയറുവേദനയെ തുടര്‍ന്ന് നൂറയെയും കൊണ്ട് പുലര്‍ച്ചെ ആശുപത്രിയിലേക്കു പോകുമ്പോഴാണ് അപകടം.

 ഒരുമണിയോടടുത്ത സമയത്താണ് ഓട്ടോയും കെ.എസ്.ആര്‍.ടി.സി സ്വിഫ്റ്റ് ബസും കൂട്ടിയിടിക്കുന്നത്. പിതാവിന്റെ പെട്ടിഓട്ടോയിലായിരുന്നു ഇവര്‍ യാത്ര ചെയ്തിരുന്നത്. ബസിടിച്ച ഉടനെ ഓട്ടോ മറിയുകയായിരുന്നു. നൂറയെ ജില്ലാ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഉനൈസ് -റെയ്ഹാനത്ത് ദമ്പതികളുടെ മകളാണ് നൂറ. ഗര്‍ഭിണിയായ റെയ്ഹാനത്തിന്റെ കാലൊടിഞ്ഞിട്ടുണ്ട്.

In Thrissur, a 4-year-old girl, Noor Fathima from Mullurkkara, tragically died after an KSRTC bus collided with an auto. Noor was being taken to the hospital early in the morning due to abdominal pain when the accident occurred.