കൊച്ചി: നടി ഹണി റോസ് നല്‍കിയ പരാതിയില്‍ ബോബി ചെമ്മണൂര്‍ കസ്റ്റഡിയില്‍. മുന്‍കൂര്‍ ജാമ്യനീക്കം പാളിയതിന് പിന്നാലെയാണ് അറസ്റ്റ്. വയനാട്ടില്‍ നിന്നാണ് ബോബി ചെമ്മണ്ണൂരിനെ കസ്റ്റഡിയിലെടുത്തത്. 

നിലവില്‍ പുത്തൂര്‍വയല്‍ എ.ആര്‍ ക്യാംപിലുള്ള ബോബിയെ ഉച്ചയോടെ കലൂര്‍ സ്‌റ്റേഷനിലെത്തിക്കും. 

ഹണിറോസിനെ മുഖ്യമന്ത്രി നേരിട്ട് ഫോണില്‍ വിളിച്ച് സംസാരിച്ചു.നടപടി ആശ്വാസകരമെന്ന് ഹണിറോസ് പ്രതികരിച്ചു. ശക്തമായ നടപടി സ്വകരിക്കുമെന്ന് മുഖ്യമന്ത്രി ഉറപ്പു നല്‍കിയതായി ഹണിറോസ് പറഞ്ഞു.