തിരുവനന്തപുരം: 63ാമത് സംസ്ഥാന സ്‌കൂൾ കലോത്സവത്തിന് തിരശീല വീഴാൻ ഇനി അൽപസമയം മാത്രം. അവസാന റൗണ്ടിലേക്കടുക്കുമ്പോൾ, കൈയിലുള്ള 117.5 പവന്റെ സ്വർണക്കപ്പ് വിട്ടുകൊടുക്കില്ലെന്ന പെരുംവാശിയിൽ നിലകൊണ്ട കണ്ണൂരിനെ മലർത്തിയടിക്കാനൊരുങ്ങുകയാണ് തൃശൂർ. 95 ശതമാനം മത്സരങ്ങൾ പൂർത്തിയായിട്ടും രണ്ടോമൂന്നോ പോയന്റിന്റെ വ്യത്യാസമേ ആദ്യ അഞ്ച് ജില്ലകൾ തമ്മിലുള്ളൂ. ഫോട്ടോഫിനിഷിൽ കലക്കൻ പോയന്റുമായി ആരാകും ഹാട്രിക് അടിക്കുക എന്നറിയാൻ ഇനി ആവേശക്കാത്തിരിപ്പ്. 249 മത്സരങ്ങളിൽ 236 എണ്ണത്തിന്റെ ഫലം വന്നപ്പോൾ 955 പോയന്റുമായി തൃശൂർ കുതിപ്പ് തുടരുന്നു.

നിലവിലെ ചാമ്പ്യന്മാരായ കണ്ണൂർ 951 പോയന്റുമായി തൊട്ടുപിന്നിലുണ്ട്. കലോത്സവ ചരിത്രത്തിൽ രണ്ടുതവണമാത്രം സ്വർണക്കപ്പ് തട്ടകത്തിലേക്കെടുക്കാൻ ഭാഗ്യം സിദ്ധിച്ച തൃശൂർ, ഇത്തവണ കച്ചകെട്ടിത്തന്നെയാണെത്തിയത്.

2019ൽ കപ്പിനും ചുണ്ടിനുമിടയിൽ വഴുതിയ കലാകിരീടം തിരിച്ചുപിടിക്കാൻ വീറുചോരാത്ത പോരാട്ടത്തിലാണ് 951 പോയന്റുമായി പാലക്കാട്. കഴിഞ്ഞതവണ കണ്ണൂരിനോടു തോറ്റതിന്റെ കണക്കുതീർക്കാനാണ് കോഴിക്കോട്ടെ പ്രതിഭകൾ ഇത്തവണ തിരുവനന്തപുരത്തേക്ക് വണ്ടികയറിയത്. 949 പോയന്റാണ് നിലവിൽ കോഴിക്കോടിന്. 924 പോയന്റുമായി മലപ്പുറം അഞ്ചാം സ്ഥാനത്തുണ്ട്.

The 63rd State School Arts Festival is nearing its dramatic conclusion, with Thrissur hot on the heels of Kannur, who holds the coveted 117.5-point gold cup. As the competition heads into its final round, only a narrow margin separates the top five districts, with less than two or three points between them.