മസ്ക‌ത്ത്: ഒമാനിലെ ഇന്ത്യൻ സ്കൂ‌കൂളുകളിലേക്കുള്ള ഈ അധ്യായനവർഷത്തെ പ്രവേശത്തിനുള്ള ഓൺലൈൻ രജിസ്ട്രേഷൻ ജനുവരി 20 ന് ആരംഭിക്കും. ഇന്ത്യൻ സ്‌കൂൾ ഡയറക്ടർ ബോർഡിന് കീഴിലുള്ള മസ്‌കത്തിലെയും പരിസര പ്രദശേങ്ങളിലെയും ഏഴ് സ്കൂ‌ളുകളിലേക്കുള്ള അഡ്‌മിഷനാണ് നടക്കുക. ഇന്ത്യയുടെ പുതിയ ദേശീയ വിദ്യാഭ്യാസ നയത്തിന്റെ അടിസ്ഥാനത്തിലാണ് ഈ വർഷത്തെ അഡ്മിഷൻ നടക്കുക.

ബാൽവതിക മുതൽ ഒമ്പതുവരെയുള്ള ക്ലാസുകളിലേക്കുള്ള പ്രവേശനത്തിന് ഇന്ത്യൻ സ്കൂൾ വെബ്സൈറ്റിൽ നൽകിയ പ്രത്യേക പോർട്ടലിൽ രജിസ്റ്റർ ചെയ്യണം. ഫെബ്രുവരി 20 ആണ് രജിസ്റ്റർ ചെയ്യാനുള്ള അവസാന തീയതി. 2025 ഏപ്രിൽ ഒന്നിന് മൂന്ന് വയസ് പൂർത്തിയായ കുട്ടികൾക്കാണ് ബാൽവതിക പ്രവേശനത്തിന് അർഹത. കുട്ടികളുടെ അഡ്‌മിഷനായി രക്ഷിതാക്കൾക്ക് അംഗീകൃത റസിഡന്റ് വിസ ആവശ്യമാണ്.

വാദി കബീർ, ഗുബ്ര സ്‌കൂളുകളിലെ കേംബ്രിഡ്‌ജ് സിലബസ് അഡ്‌മിഷൻ ആഗ്രഹിക്കുന്നവരും ഓൺലൈനിലൂടെ അപേക്ഷിക്കണം. പ്രത്യേക പരിഗണന ആവശ്യമുള്ള കുട്ടികൾക്കുള്ള പ്രവേശനം ഇന്ത്യൻ സ്‌കൂൾ മസ്‌കത്തിലെ കെയർ ആൻഡ് സ്പെഷ്യൽ എജ്യുക്കേഷനിൽ ലഭിക്കും. അഡ്‌മിഷൻ നടപടികൾ പൂർണമായും ഓൺലൈനിലൂടെയായതിനാൽ, രേഖകൾ സമർപ്പിക്കുന്നതിനോ ഫീസ് അടക്കുന്നതിനോ രക്ഷിതാക്കൾ സ്കൂളിലെത്തേണ്ടതില്ല. അഡ്‌മിഷൻ നടപടിക്രമങ്ങൾ, സീറ്റ് ഒഴിവുകളുടെ വിവരങ്ങൾ തുടങ്ങിയവ പോർട്ടലിലൂടെ അറിയാൻ സാധിക്കും.

The online registration process for Indian schools in Oman will commence on January 20, marking the beginning of the admission process for the upcoming academic year.