ചാവക്കാട്: വട്ടേക്കാട് സൗഹൃദ വേദി ഏര്‍പ്പെടുത്തിയ സ്‌കോളര്‍ഷിപ്പിന്റെ വിതരണോദ്ഘാടനം അറക്കല്‍ അബ്ദുള്ള മോനും സര്‍ട്ടിഫിക്കറ്റ് വിതരണം പി.ഐ ഷംസുദ്ദീനും നിര്‍വഹിച്ചു.
വട്ടേക്കാട് സ്‌കൂളില്‍ ദീര്‍ഘകാലം അധ്യാപനം നടത്തിയിരുന്ന യശഃശരീരനായ മാത്യു മാസ്റ്റര്‍, വട്ടേക്കാട് മദ്‌റസയില്‍ ഒരു പുരുഷായുസ്സിന്റെ സിംഹഭാഗവും ദീനി വിദ്യാഭ്യാസം നടത്തി മണ്‍മറഞ്ഞ മുഹമ്മദ് മുസ്‌ലിയാര്‍, ഹംസ മുസ്‌ലിയാര്‍ എന്നിവരുടെ സ്മരണാര്‍ഥം വട്ടേക്കാട് സൗഹൃദ വേദി ഏര്‍പ്പെടുത്തിയതാണ് മര്‍ഹും: എ.വി മൊയ്തുണ്ണി സാഹിബ് മെമ്മോറിയല്‍ വിദ്യാഭ്യാസ സ്‌കോളര്‍ഷിപ്പ്. അറക്കല്‍ ഹംസ, ഷിഫാസ് മുഹമ്മദാലി, ആര്‍.ഒ ആരിഫ്, പി.ഐ ഷംസുദ്ദീന്‍, കെ.എം റഷീദ്, എ.അബ്ദുള്ള മോന്‍, ആര്‍.എച്ച് സലാം സംസാരിച്ചു.