മണലൂര്‍: കേരള പ്രവാസി സംഘം മണലൂര്‍ ഏരിയ കണ്‍വന്‍ഷന്‍ ഇന്ന് രാവിലെ 10 മുതല്‍ പാവറട്ടിയില്‍ നടക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.
പാവറട്ടി ജോളി റിസപ്ഷന്‍ സെന്ററിലെ ആര്‍.പി അഷറഫ് നഗറില്‍ സംഘം സെക്രട്ടറി കെ.വി അബ്ദുള്‍ കാദര്‍ എം.എല്‍.എ ഉദ്ഘാടനം ചെയ്യും. തുടര്‍ന്ന് നടക്കുന്ന പ്രവാസി കുടുംബ സംഗമം മുരളി പെരുനെല്ലി എം.എല്‍.എ ഉദ്ഘാടനം ചെയ്യും. മണലൂര്‍ ഏരിയയിലെ 2015,16 വര്‍ഷത്തെ എസ്.എസ്.എല്‍.സി പരീക്ഷയില്‍ ഫുള്‍ എ പ്ലസ് നേടിയ വിജയികള്‍ക്ക് യോഗത്തില്‍ ആദരവ് നല്‍കും.
സംഘം സംസ്ഥാന പ്രസിഡന്റ് പി.ടി കുഞ്ഞുമുഹമ്മദ് മുഖ്യ പ്രഭാഷണം നടത്തുമെന്നും ഭാരവാഹികള്‍ പറഞ്ഞു. സി.പി.എം ഏരിയാ സെക്രട്ടറി ടി.വി ഹരിദാസന്‍ മുഖ്യാതിഥിയാകും.
എസ്.എസ്.എല്‍.സി അവാര്‍ഡ് ദാനം മുല്ലശ്ശേരി ബ്ലോക്ക് പഞ്ചായത്ത് പ്രസിഡന്റ് ലതി വേണുഗോപാല്‍ നിര്‍വഹിക്കും. സംഘം ജില്ലാ സെക്രട്ടറി എന്‍.എ ജോണ്‍ മെമ്പര്‍ഷിപ്പ് വിതരണം നടത്തും.
പ്രവാസി സംഘം ഏരിയാ സെക്രട്ടറി എന്‍.കെ കമാല്‍ ഏരിയാ പ്രസിഡന്റ് എ.എസ് ആനന്ദന്‍, ട്രഷറര്‍ എ.കെ തങ്ങള്‍, സംഘാടക സമിതി ചെയര്‍മാന്‍ വി.ജി സുബ്രഹ്മണ്യന്‍, പി.എ രമേശന്‍, വി.എസ് ശേഖരന്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.