കൊടുങ്ങല്ലൂര്‍: പ്രായപൂര്‍ത്തിയാകാത്ത വിദ്യാര്‍ഥിനിയെ തട്ടികൊണ്ടുപോയി എന്ന പരാതിയില്‍ രണ്ട് യുവാക്കള്‍ അറസ്റ്റിലായി. ശ്രീനാരായണപുരം സ്വദേശികളായ സൗരവ് (19), സുള്‍ഫിക്കര്‍ (21) എന്നിവരെയാണ് കൊടുങ്ങല്ലൂര്‍ സി.ഐ പി.സി ബിജുകുമാറിന്റെ നേതൃത്വത്തിലുള്ള പൊലിസ് സംഘം ഈറോഡില്‍ നിന്നും കഴിഞ്ഞ ദിവസം അറസ്റ്റ് ചെയ്തത്.
പെണ്‍കുട്ടിയെയും കൊണ്ട് ബാംഗ്ലൂരിലേക്ക് പോയ യുവാക്കള്‍ അവിടെ നിന്നും പെണ്‍കുട്ടിയെ എറണാകുളത്തുള്ള ചൈല്‍ഡ് ലൈനില്‍ കൊണ്ടുവിട്ട് ബാംഗ്ലൂരിലേക്ക് തിരിച്ച് പോകുന്ന വഴിയാണ് ഇവര്‍ ഈറോഡില്‍ വെച്ച് പൊലിസിന്റെ ശ്രദ്ധയില്‍ പെടുന്നത്. തുടര്‍ന്ന് ഇവര്‍ സഞ്ചരിച്ചിരുന്ന ബസിനെ പിന്‍തുടര്‍ന്നാണ് പൊലിസ് ഇവരെ അറസ്റ്റ് ചെയ്തത്.