ഗുരുവായൂര്‍: പണിമുടക്ക്ദിനത്തില്‍ തെരുവിന്റ മക്കള്‍ക്ക് ഭക്ഷണം നല്‍കി എസ്.കെ.എസ്.എസ്.എഫ് വിഖായ പ്രവര്‍ത്തകര്‍ മാതൃകയായി. ഗുരുവായൂര്‍, ചാവക്കാട് ടൗണുകളിലെ നൂറില്‍പ്പരം അഗതികള്‍ക്കാണ് ഭക്ഷണം നല്‍കിയത്. ഭക്ഷണം കിട്ടാതെ വലഞ്ഞവര്‍ക്ക് വിഖായ പ്രവര്‍ത്തകര്‍ പൊതിച്ചോറ് നല്‍കിയപ്പോള്‍ പലരും കണ്ണീരണിഞ്ഞു. എസ്.കെ.എസ്.എസ്.എഫ് ജില്ലാ പ്രസിഡന്റ് സിദ്ദിഖ് ബദരി, മേഖലാ സെക്രട്ടറി ജാബിര്‍ യമാനി, വിഖായ ജില്ലാ കണ്‍വീനര്‍ സിറാജുദ്ദീന്‍ തെന്നല്‍, ഷിഹാബ്, കബീര്‍, വി.എം അനസ്, റിയാസ്, റംഷാദ് എന്നിവര്‍ നേതൃത്വം നല്‍കി.