പന്തല്ലൂര്‍: രണ്ട് ആടുകളെ പുലി കടിച്ചു കൊന്നു. പന്തല്ലൂര്‍ ഇരുമ്പ്പാലം സ്വദേശി സൈതലവിയുടെ ഗര്‍ഭിണിയായ ആടുകളെയാണ് പുലി കടിച്ചു കൊന്നത്. വീടിന് സമീപത്തെ കൂട്ടില്‍ നിന്നാണ് ആടുകളെ പുലി ആക്രമിച്ചത്. പടച്ചേരി സ്വദേശി ദേവദാസിന്റെ ആടിനെയും പുലി കടിച്ചു കൊന്നു.
വീടിന് സമീപത്തെ വനത്തില്‍ മേയുന്നതിനിടെയാണ് ആടിനെ പുലി ആക്രമിച്ചത്. ഇതുസംബന്ധിച്ച് ഇവര്‍ വനംവകുപ്പിന് പരാതി നല്‍കി.
സൈതലവിയുടെ വീട്ടിലെത്തി വനംവകുപ്പ് ആടുകളെ പരിശോധിച്ചു.