ബീനാച്ചി: പഴുപ്പത്തൂരില്‍ പോത്തിനെ കടുവ ആക്രമിച്ചു. പഴുപ്പത്തൂര്‍ കൈവെട്ടാമൂല കോലാത്തുതൊടി വിജയരാഘവന്റെ പോത്തിനെയാണ് കടുവ അക്രമിച്ചത്.
വെള്ളിയഴ്ച പുലര്‍ച്ചെയാണ് സംഭവം. തൊഴുത്തില്‍ നിന്നും ബഹളംകേട്ട് വീട്ടുകാര്‍ എഴുന്നേറ്റു നോക്കിയപ്പോഴാണ് കടുവ പോത്തിനെ ആക്രമിക്കുന്നത് കണ്ടത്. തുടര്‍ന്ന് വീട്ടുകാര്‍ ബഹളം വെച്ചപ്പോള്‍ കടുവ പോത്തിനെ വിട്ട് സമീപത്തെ തോട്ടത്തിലേക്ക് ഓടിമറയുകയായിരുന്നത്രേ.
സംഭവമറിഞ്ഞ് രാവിലെയോടെ വനംവകുപ്പ് ജീവനക്കാരും വെറ്ററിനറി ഡോക്ടറും സ്ഥലത്തെത്തി പരിശോധന നടത്തി. കടുവതന്നെയാണ് പോത്തിനെ അക്രമിച്ചതെന്ന് സ്ഥിരീകരിച്ചിട്ടുണ്ട്. പോത്തിന് ഗുരുതര പരുക്കേറ്റ സാഹചര്യത്തില്‍ മതിയായ നഷ്ടപരിഹാരം നല്‍കാമെന്ന് വനംവകുപ്പ് ഉറപ്പ് നല്‍കിയിട്ടുണ്ട്. കടുവയെ പിടികൂടുന്നതിന്നായി കൂട് സ്ഥാപിക്കണമെന്നാണ് പ്രദേശത്തുകാരുടെ ആവശ്യം.