കുണ്ടറ: രാഷ്ട്രസേവനത്തിനിടെ മരണമടഞ്ഞ സൈനികന് നാട് വിടനല്‍കി. പെരുമ്പുഴ പഴങ്ങാലം ഈച്ചാടി മുക്കില്‍ മഞ്ജു ഭവനില്‍ മധുവിന്റെയും ഉഷാകുമാരിയുടെയും മകന്‍ മനു എം(26) ആണ് ഡ്യൂട്ടിക്കിടെ കുഴഞ്ഞു വീണ് മരിച്ചത്.
സൈനിക ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു. ഇന്നലെ വീട്ടിലെത്തിച്ച മൃതദേഹത്തില്‍ പ്രദേശത്തെ രാഷ്ട്രീയ സാമൂഹിക സാംസ്‌കാരിക രംഗത്തെ നിരവധി പേര്‍ ആദരാജ്ഞലികള്‍ അര്‍പ്പിച്ചു. ഉച്ചയ്ക്ക് വീട്ട് വളപ്പില്‍ മൃതദേഹം സംസ്‌കരിച്ചു. മഞ്ജുഷ സഹോദരിയാണ്.