മുംബൈ: കേന്ദ്ര ധനമന്ത്രി നിര്‍മല സീതാരാമന്‍ ബജറ്റ് അവതരിപ്പിക്കാന്‍ മണിക്കൂറുകള്‍ മാത്രം ബാക്കി നില്‍ക്കെ നേട്ടത്തോടെ വ്യാപാരം ആരംഭിച്ച് ഓഹരി വിപണി. വലിയ നികുതി ഇളവുകളാണ് നിക്ഷേപകര്‍ പ്രതീക്ഷിക്കുന്നത്. നിഫ്റ്റി 50 സൂചിക 20.20 പോയിന്റ് അഥവാ 0.09 ശതമാനം നേട്ടം രേഖപ്പെടുത്തി 23,528.60 ല്‍ എത്തി. ബിഎസ്ഇ സെന്‍സെക്സ് സൂചിക 136.44 പോയിന്റ് അഥവാ 0.18 ശതമാനം നേട്ടത്തോടെ 77,637.01 ല്‍ വ്യാപാരം ആരംഭിച്ചു.

ഇന്‍ഡസ്ഇന്‍ഡ് ബാങ്ക്, അള്‍ട്രാടെക് സിമന്റ്, മഹീന്ദ്ര ആന്‍ഡ് മഹീന്ദ്ര, എന്‍ടിപിസി ലിമിറ്റഡ്, ഐടിസി ഹോട്ടല്‍സ്, സണ്‍ ഫാര്‍മ, ഏഷ്യന്‍ പെയിന്റ്സ് എന്നിവയാണ് നേട്ടമുണ്ടാക്കിയത്. 

ബജറ്റ് പ്രമാണിച്ചാണ് ശനിയാഴ്ചയായിട്ട് കൂടി ഇന്ന് ഓഹരി വിപണി പ്രവര്‍ത്തിക്കുന്നത്.

രാവിലെ 11 മണിക്ക്  ധനമന്ത്രി നിര്‍മലാ സീതാരാമന്‍ പാര്‍ലമെന്റില്‍ ബജറ്റ് അവതരിപ്പിക്കാന്‍ തുടങ്ങും.