തൃക്കരിപ്പൂര്‍: സംസ്ഥാന സര്‍ക്കാര്‍ അധികാരത്തിലേറി നൂറു ദിനങ്ങള്‍ പിന്നിട്ട വ്യാഴാഴ്ച്ച യൂത്ത് ലീഗ് വഞ്ചനാദിനമായി ആചരിച്ചു. ഇതിന്റെ ഭാഗമായി തൃക്കരിപ്പൂര്‍ ബസ്റ്റാന്റ് പരിസരത്ത് പഞ്ചായത്ത് യൂത്ത് ലീഗ് പ്രവര്‍ത്തകര്‍ സായാഹ്ന ധര്‍ണ സംഘടിപ്പിച്ചു.
ജില്ലാ വൈസ് പ്രസിഡന്റ് ടി.എസ് നജീബ് ഉദ്ഘാടനം ചെയ്തു. ഫീയിസ് ബീരിച്ചേരി അധ്യക്ഷനായി. വലിയപറമ്പ പഞ്ചായത്ത് സായാഹ്ന ധര്‍ണ എന്‍.കെ ഹമീദ് ഹാജി ഉദ്ഘാടനം ചെയ്തു. പി.എച്ച് നൗഫല്‍ അധ്യക്ഷനായി. പടന്ന മൂസ ഹാജി മുക്കില്‍ പടന്ന പഞ്ചായത്ത് യൂത്ത് ലീഗ് കമ്മറ്റി സംഘടിപ്പിച്ച ധര്‍ണ കെ ഹുസൈനാര്‍ കുഞ്ഞ് ഉദ്ഘാടനം ചെയ്തു. യു.കെ മുഷ്താഖ് അധ്യക്ഷനായി. പി.വി മുഹമ്മദ് അസ്‌ലം മുഖ്യപ്രഭാഷണം നടത്തി.
കാലിക്കടവ്!: ഇടതു സര്‍ക്കാറിന്റെ നൂറാം ദിനം മുസ് ലിം  യൂത്ത് ലീഗ് വഞ്ചനാ ദിനമായി ആചരിച്ചു. ഇതിന്റെ ഭാഗമായി വിവിധ കേന്ദ്രങ്ങളില്‍ സായാഹ്ന ധര്‍ണ നടന്നു.  
കാലിക്കടവില്‍ യൂത്ത് ലീഗ് ജില്ലാ സെക്രട്ടറി നിഷാം പട്ടേല്‍ ഉദ്ഘാടനം ചെയ്തു. പഞ്ചായത്ത് യൂത്ത് ലീഗ് പ്രസിഡന്റ് മുഹമ്മദ്  അസ് ലം അധ്യക്ഷനായി. ഹരിദാസ് മുഖ്യപ്രഭാഷണം നടത്തി.
മണ്ഡലം സെക്രട്ടറി സുഫൈല്‍ കാസിം, നവീന്‍ ബാബു, എ.പി ജലീല്‍, എ മുഹമ്മദ് റിയാസ്, ഇ.കെ മുഹ്‌സിന്‍, നൗഷാദ് ചന്തേര  സംസാരിച്ചു.