തൃക്കരിപ്പൂര്‍: ആളില്ലാത്ത മത്സ്യബന്ധന തോണി കരക്കടിഞ്ഞതു നാട്ടുകാരെ പരിഭ്രാന്തരാക്കി. കഴിഞ്ഞ ദിവസം വൈകിട്ടോടെ വലിയപറമ്പിലെ പടന്നക്കടപ്പുറം പന്ത്രണ്ടില്‍ കടല്‍ തീരത്താണു തോണി തീരത്തണിഞ്ഞത്. പിന്നീട് അന്വേഷണം നടത്തിയതോടെയാണ് കഴിഞ്ഞ മാസം  കടലില്‍ അപകടത്തില്‍പ്പെട്ട മത്സ്യ ബന്ധന തോണിയാണെന്ന് ബോധ്യമായത്. തോണിയുടെ ഒരു ഭാഗം തകര്‍ന്നിട്ടുണ്ട്. ചന്തേര പൊലിസ് തോണി കസ്റ്റഡിയിലെടുത്തു.