കാസര്‍കോട്: വിദ്യാര്‍ഥിനിയെ പിന്തുടര്‍ന്ന് ശല്യം ചെയ്ത കേസില്‍ യുവാക്കളെ പൊലിസ് അറസ്റ്റ് ചെയ്തു.
ചൂരി സ്വദേശികളായ ശഹനാസ് (19), സുല്‍ത്താന്‍ (19) എന്നിവരെയാണ് കാസര്‍കോട് ടൗണ്‍ പൊലിസ്  അറസ്റ്റുചെയ്തത്. ചട്ടഞ്ചാല്‍ ഹയര്‍ സെക്കന്‍ഡറി സ്‌കൂളിലെ എട്ടാം ക്ലാസ് വിദ്യാര്‍ഥിനിയെ കഴിഞ്ഞ ദിവസം  വൈകിട്ട് ക്ലാസ് കഴിഞ്ഞ് വീട്ടിലേക്ക് നടന്നു പോകവേ കാറിലും ബൈക്കിലും പിന്തുടര്‍ന്നു  ശല്യംചെയ്തുവെന്നാണ് കേസ്.  സംഭവമറിഞ്ഞ വീട്ടുകാര്‍ പിന്നീട് പൊലിസില്‍ പരാതി നല്‍കുകയായിരുന്നു. പ്രതികളെ ഇന്നലെ വൈകുന്നേരത്തോടെ പൊലിസ് കോടതിയില്‍ ഹാജരാക്കി.